Qurban Qurbanov: “Sona kimi mübarizə aparacağıq”
Bizi izləyin

İdman

Qurban Qurbanov: “Sona kimi mübarizə aparacağıq”

“Çox güclü komandaya qarşı oynayacağıq. Rəqib bizə öz gücünü Bakıda göstərdi. Bizə həddindən artıq ağır olacaq. Buna baxmayaraq, sona kimi mübarizə aparacağıq”.

Apasport.az saytı xəbər verir ki, bu barədə “Qarabağ” klubunun baş məşqçisi Qurban Qurbanov mətbuat konfransında deyib.

“İlk növbədə, düzgün oynamalıyıq. Hücum qurmağa cəhd etməliyik. Bunu bacarsaq, yaxşı nəticə ilə ayrıla bilərik. Biz soyuqqanlı şəkildə oynamalı, top itirməməyə çalışmalıyıq. İnanıram ki, futbolçular bunu bacaracaqlar. Bu gün “Atletiko” bizdən daha yuxarıdır. Biz bunu qəbul etməliyik. Sadəcə, əzmkarlığa çox ehtiyacımız var. Çatışmayan cəhətlərimizi bəzi komponentlərimizlə üstələməliyik. Bizim borcumuz rəqibə qarşı çəkinmədən oynamaqdır. Rəqibin gücünü də nəzərə alaraq, bəzi şeyləri qəbul etməliyik. Futbolçular kimə qarşı oynadıqlarını və səfərdə meydana çıxacağımızı başa düşürlər. İnanıram ki, meydana çıxan hər kəs özünü yaxşı tərəfdən göstərəcək və kollektivə daha faydalı olmağa çalışacaq”, deyə Q.Qurbanov qeyd edib.

Qeyd edək ki, Ağdam klubu Çempionlar Liqasının qrup mərhələsi çərçivəsində sabah Madrid “Atletiko”sunun qonağı olacaq.

Oxumağa davam et
Reklam
Reklam

Gündəm