İdman
"Roma" 34, "Liverpul" 10 ildən sonra yarımfinalda
İtaliyanın "Roma" komandası 34 ildən sonra ilk dəfə hazırda Çempionlar Liqası adlanan Avropanın ən nüfuzlu klub turnirinin yarımfinalına yüksəlib.
"Report"un məlumatına görə, paytaxt təmsilçisi buna 1/4 finalda İspaniya "Barselona"sını üstələməklə nail olub.
Səfər matçında 1:4 hesabı ilə uduzmasına baxmayaraq, "canavarlar" evdə qələbəyə nail olublar - 3:0. Nəticədə "Roma" səfər qolu sayəsində mərhələ adlayıb. "Sarı-qırmızılar" sonuncu dəfə yarımfinala Çempionlar Kubokunda 1983-1984 mövsümündə yüksəliblər. Həmin vaxt bu komanda Şotlandiya "Dandi Yunayted"ini iki oyunun yekununda üstələyib - 0:2, 3:0. Lakin finalda "canavarlar"ın qarşısını İngiltərə "Liverpul"u kəsib - 1:1 (penaltilərlə - 2:4).
Digər tərəfdən, "Roma" Çempionlar Liqasında 3 və daha çox top fərqini aradan qaldırmağı bacaran 3-cü komanda olub. Ötən mövsüm məhz "Barselona" Fransa PSJ-sinə ilk görüşdəki 0:4 hesablı məğlubiyyətin əvəzini cavab oyununda çıxmağı bacarıb - 6:1. 2003-2004 mövsümündə isə İspaniyanın daha bir təmsilçisi "Deportivo" 1/4 finalda İtaliya "Milan"ına 1:4 hesablı məğlubiyyətin əvəzini cavab qarşılaşmasında çıxa bilib - 4:0.
"Barselona" tarixində ilk dəfə birinci oyunu 3 və daha çox top fərqi ilə başa vurduğu halda, təkrar qarşılaşmada uduzaraq, avrokuboklarla vidalaşıb.
"Liverpul" isə 10 ildən sonra Çempionlar Liqasında yarımfinala vəsiqə qazanıb. "Qırmızılar" "Mançester Siti"ni evdə 3:0, səfərdə isə 2:1 hesabı ilə yeniblər. 2007-2008 mövsümündə isə bu klub İngiltərənin daha bir təmsilçisi "Arsenal"ı üstələmiş (1:1, 4:2), yarımfinalda "Çelsi"yə uduzmuşdu - 1:1, 2:3. "Liverpul" bir mövsüm ərzində Xosep Qvardiolanın rəhbərlik etdiyi kollektivi üç dəfə yenməyi bacaran ilk klub olub. Ötən həftə ilk görüşdə "Mançester Siti"ni 3:0 hesabı ilə məğlub edən Yurgen Kloppun komandası İngiltərə Premyer Liqasının II dövrəsində isə 4:3 hesabı ilə qalib gəlib.
-
Magazin104:44
Xalq artisti canlı yayımda kövrəldi: “Darıxdığım var” - VİDEO
-
ABŞ03:13
Komaya düşən qalmaqallı bloqer ÖLDÜ
-
Səhiyyə02:42
Ən güclü qan qrupu: onun sahibləri ÇOX YAŞAYIRLAR
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?