İdman
Kubok həyəcanı: "Qəbələ" - "Neftçi"
Bu gün Azərbaycan kubokunda yarımfinal mərhələsinə start veriləcək. Apasport.az saytının məlumatına görə, ilk gündə mərhələnin iki qarşılaşması baş tutacaq.
İlk oyun Bakıda keçiriləcək. Çempionatda heç bir iddiası qalmayan, daha çox Premyer Liqadakı yerini qorumağa çalışan “Keşlə” öz meydanında “Sumqayıt”ı qəbul edəcək. Mövsümün ikinci yarısında oyununda canlanma yaranan rəqiblərin “İnter Arena”dakı qarşılaşması Yuri Maksimovun “Keşlə”ylə Azərbaycan kubokunda debütü olacaq. Bunadək komandasını yalnız çempionat matçlarına çıxaran ukraynalı paytaxt təmsilçisini öncə finala, ardınca avrokuboklara daşımağa çalışacaq.
2018-ci ildə məğlub olmayan “Sumqayıt” isə tarixində ilk dəfə yüksəldiyi yarımfinalı elə birinci cəhddən keçməyə köklənib. Əvvəlki mərhələdə “Qarabağ”ı mübarizədən kənarlaşdıran Samir Abasovun yetirmələri Sumqayıt tarixinin ilk titulunu qazanmaq arzusundadı.
Bu oyunun ardından “Qəbələ” doğma azarkeşləri önündə “Neftçi”ni sınağa çəkəcək. Həm çempionat, həm də kubokda qitə miqyaslı turnirlərə vəsiqəyə iddialı komandaların dueli böyük maraq kəsb edir.
Tərəflər bu matça fərqli durumda çıxacaq. Tərlan Əhmədovun yetirmələri qış fasiləsindən sonra yüksəlişdədisə, “qırmızı-qaralar” enişdədi. Roman Qriqorçukun kollektivi tarixinin ilk tituluna doğru addım atmaq, ardıcıl ikinci finalına yüksəlmək üçün “ağ-qaralar”ı keçməlidi.
Azərbaycanın ən titullu komandası “Neftçi” isə azarkeşlərini növbəti uğurla sevindirmək əzmindədi. Bakılılar 4 il öncə finalda, 2 il əvvəl isə yarımfinalda rəqibini məğlub edib.
Azərbaycan kuboku. Yarımfinal, ilk oyunlar
12 aprel
16:00. “Keşlə” – “Sumqayıt”
Hakimlər: Rəhim Həsənov, Knyaz Əmiraslanov, Vüqar Bayramov, Ömər Paşayev
AFFA nümayəndəsi: Maşallah Əhmədov
Hakim-inspektor: Xaqani Məmmədov
“İnter Arena”
18:00. “Qəbələ” – “Neftçi”
Hakimlər: İnqilab Məmmədov, Akif Əmirəli, Yaşar Abbasov, Orxan Məmmədov
AFFA nümayəndəsi: Şaiq Həmidov
Hakim-inspektor: Vüsal Əliyev
Qəbələ şəhər stadionu
-
Hadisə12:15
Məktəbin həyətində faciəvi şəkildə ölən 10 yaşlı Fərhanın FOTOSU
-
Nida Xəbər 11:43
Prezidentin yüksək vəzifəyə təyin etdiyi Anar Axundov kimdir? - DOSYE
-
Sosial11:12
Aytən Səfərovanın son vəziyyəti AÇIQLANDI
-
Cənubi Qafqaz10:55
Rusiyanın Gümrüdəki hərbi bazasına hücum oldu - DETALLAR
-
Dünya10:15
Bayden İsrailə bu İsrail şəhərinə hücumu qadağan etdi: Rusiya ələ saldı
-
Nida Xəbər 09:30
Bakıda bu ərazi sökülür - Sakinlər narazıdır
-
Avropa09:00
Putinin sabiq həyat yoldaşı Lyudmilanın hazırkı ərinin villası bu ölkədə müsadirə edildi
-
Nəqliyyat08:25
Paytaxtın bu yollarında tıxac yarandı - SİYAHI