• USD 1,7000 0,00% EUR 1,8991 0,00%
    • GBP 2,2877 0,00% RUB 0,0271 0,00%

DÇ-2018: Rusiya və Xorvatiya 1/4 finalda - YENİLƏNİR

  • İdman
  • 2 İyul 2018 00:46
  • 1 060 Baxış
DÇ-2018: Rusiya və Xorvatiya 1/4 finalda - YENİLƏNİR

Rusiyada keçirilən dünya çempionatında pley-off həyəcanı davam edir.

Publika.az xəbər verir ki, bu gün daha iki 1/4 finalçının adına aydınlıq gəlib.

İlk olaraq meydana meydan sahibi Rusiya yığması çıxıb. Şimal qonşularımız turnirin favoritlərindən olan İspaniya ilə üz-üzə gəlib. Qrup səddini çətinliklə aşan və 3 matçda qapısından 5 qol buraxan ispanların işi heç də asan olmayacaqdı. Ruslar doğma meydan və azarkeş amilindən yararlanmağa çalışacaqdı. Qarşılaşmanın əsas vaxtında qalib müəyyənləşməyib. Əlavə olunmuş 30 dəqiqədə də hesab dəyişməyib. Bu üzdən qalibi penaltilərlə müəyyənləşdirməyə ehtiyac duyulub. Bu seriyada daha uğurlu olan ruslar gözlənilməz də olsa, ispanları mübarizədən kənarlaşdıraraq, 1/4 finala yüksəliblər.

Günün ikinci qarşılaşması Xorvatiya ilə Danimarka arasında oynanılıb. Qrupda maksimum nəticə əldə edən xorvatlar turnirin favoritlərindən sayılırdı. Amma danimarkalıların da asan təslim olmayacağı bəlli idi. Bu görüşdə də əsas vaxt 1:1 bitib. Əlavə vaxtda xorvatlar önə keçmək üçün əla şans qazansalar da, Luka Modriç penaltidən yararlana bilməyib. Belədə, günün ikinci matçında da qalib penaltilər seriyasında bəlli olub. Daha dəqiq olan xorvatlar 1/4 finala yüksələrək Rusiyaya rəqib olublar.

DÇ-2018. 1/8 final mərhələsi

1 iyul

İspaniya - Rusiya 1:1 (penaltilər 3:4)

Qol: Sergey İqnaşeviç, 12-avtoqol - Artyom Dzyuba, 41-pen.

Baş hakim: Byörn Kuypers (Hollandiya)
Moskva. “Lujniki” stadionu

İspaniya: 1. David De Xea, 3. Jerar Pike, 4. Naço 5. Serxio Buskets, 8. Koke, 15. Serxio Ramos (k), 18. Xordi Alba, 19. Dieqo Kosta, 20. Marko Asensio, 21. David Silva, 22. İsko.

Ehtiyat oyunçular: 2. Dani Karvahal, 6. Andres İnyesta, 7. Saul, 9. Rodriqo, 10. Tyaqo Alkantara, 11. Lukas Vaskes, 12. Alvaro Odriozola, 13. Kepa Arrizabalaqa, 14. Sezar Aspilikueta, 16. Naço Monreal, 17. Yaqo Aspas, 23. Pepe Reyna.

Baş məşqçi: Fernando Yerro.

Rusiya: 1. İqor Akinfeyev (k), 2. Mario Fernandes, 3. İlya Kutepov, 4. Sergey İqnaşeviç, 7. Daler Kuzyayev, 11. Roman Zobnin, 13. Fyodr Kudryaşov, 17. Aleksandr Qolovin, 18. Yuri Jirkov, 19. Aleksandr Səmədov, 22. Artyom Dzyuba.

Ehtiyat oyunçular: 5. Andrey Semyonov, 6. Denis Çerışev, 8. Yuri Qazinski, 9. Alan Dzaqoyev, 10. Fyodr Smolov, 12. Andrey Lunyov, 14. Vladimir Qranat, 15. Aleksey Mirançuk, 16. Anton Mirançuk, 20. Vladimir Qabulov, 21. Aleksandr Yeroxin.

Baş məşqçi: Stanislav Çerçesov.

Xorvatiya - Danimarka 1:1 (penaltilər 3:2)

Qol: Mario Mandzukiç, 4 - Matias Yorgensen, 2.

Matçın 116-cı dəqiqəsində Luka Modriç penaltidən yararlana bilməyib (qapıçı).

Baş hakim: Nestor Pitana (Argentina)
Nijni Novqorod. Mərkəzi stadion

Xorvatiya: 23. Daniyel Subaşiç, 2. Şime Vrsalko, 3. İvan Ştriniç, 4. İvan Perişiç, 6. Deyan Lovren, 7. İvan Rakitiç, 10. Luka Modriç (k), 11. Marselo Brozoviç, 17. Mario Mandzukiç, 18. Ante Rebiç, 21. Domaqoy Vida.

Ehtiyat oyunçular: 1. Dominik Livakoviç, 5. Vedran Çorluka, 8. Mateo Kovaçiç, 9. Andrey Kramariç, 12. Lovre Kaliniç, 13. Tin Yedvay, 14. Filip Bradariç, 15. Duye Kaleta-Kar, 19. Milan Badel, 20. Marko Pyaça, 22. Yosip Pivarik.

Baş məşqçi: Zlatko Daliç.

Danimarka: 1. Kasper Şmeyxel, 4. Simon Kyaer (k), 5. Yonas Knudsen, 6. Andreas Kristensen, 8. Tomas Dileyni, 10. Kristian Eriksen, 11. Martin Breytveyt, 13. Matias Yorgensen, 14. Henrik Dalsqaard, 20. Yussuf Poulsen, 21. Andreas Kornelius.

Ehtiyat oyunçular: 2. Mikael Kron-Deli, 3. Yannik Vesterqaard, 7. Villiam Kvist, 9. Nikolay Yorgensen, 12. Kasper Dolberq, 15. Viktor Fişer, 16. Yonas Lossl, 17. Yens Larsen, 18. Lukas Lerager, 19. Lasse Şöne, 22. Frederik Ronnou.

Baş məşqçi: Aqe Hareyde.

Xəbər lenti

DAHA ÇOX XƏBƏR