İdman
DÇ-2018: Rusiya-Xorvatiya - "Rus nağılı" BİTDİ - (YENİLƏNDİ)
Penaltilər seriyasında Xorvatiya daha dəqiq oynayıblar. 4:3 hesabı ilə qalib gələn xorvatlar sonuncu yarımfinalçı adını qazanaraq İngiltərənin rəqibi olublar.
***
Oyunun 115-ci dəqiqəsində Mario Fernandes Rusiyanın bərabərlik qolunu vurdu: 2-2
***
Oyunun 100-cü, əlavə vaxtın birinci hissəsinin 10-cu dəqiqəsində Xorvatiya hesabda önə keçir. Xorvatların heyətində Domaqoy Vida fərqlənir.
***
Matçın əsas vaxtında qalib müəyyənləşmədi. Dördüncü yarımfinalçının müəyyən olunması üçün komandalar hərəsi 15 dəqiqədən ibarət olmaqla, iki hissə oynayacaqlar.
***
Rusiyanın üstünlüyü uzun çəkmədi. 39-cu dəqiqədə Xorvatiyanın heyətində Kramariç fərqləndi: 1-1
***
Oyunun 32-ci dəqiqəsində Rusiya hesabı açdı. Denis Çerişev şimal qonşularımızın heyətində fərqləndi: 1-0
***
Rusiya - Xorvatiya oyunu üçün heyətlər açıqlanıb.
Publika.az xəbər verir ki, komandalar meydana aşağıdakı tərkibdə çıxacaqlar:
Rusiya: İqor Akinfeyev, Serqey İqnaşeviç, İlya Kutepov, Fyodor Kudryaşov, Mario Fernandes, Roman Zobnin, Aleksandr Səmədov, Daler Kuzyayev, Denis Çerışev, Aleksandr Qolovin, Artyom Dzyuba
Xorvatiya: Subaşiç, Vrsalko, Vida, Lovren, Striniç, Rakitiç, Modriç, Rebiç, Kramariç, Perişiç, Mandzukiç
***
Oyunun 59-cu dəqiqəsində Dele Alli İngiltərənin üsyünlüyünü iki topa çatdırıb: 2-0. Matç İngiltərənin 2-0 hesablı qələbəsi ilə başa çatıb. Bununla da İngiltərə Fransa və Belçikadan sonra üçüncü yarımfinalçı olub. İngilislərin yarımfinalda rəqibi Rusiya-Xorvatiya oyununun qalibi olacaq.
***
Harri Makvayn matçın 30-cu dəqiqəsində İngiltərə millisini hesabda irəli çıxardı: 1-0.
***
Bir neçə saat sonra 2018 Dünya Çempionatının 1/4 finalında İsveç İngiltərə ilə qarşılaşacaq.
Publika.az xəbər verir ki, artıq komandaların start heyətləri bəlli olub.
İSVEÇ: Olsen, Kraft, Lindelöf, Qranqvist, Avqustinson, Klaesson, Larsson, Ekdal, Forsberq, Berq, Toivonen
İNGİLTƏRƏ: Pikford, Maquire, Stones, Valker, Trippier, Yanq, Henderson, Alli, Linqard, Sterlinq, Keyn.
Dünya Çempionatı
1/4 final
18:00
İsveç – İngiltərə
Samara. “Samara Arena”
Bu komandalar tarixdə ilk dəfə 1923-cü ildə qarşılaşıb. İsveçin paytaxtında baş tutan yoldaşlıq oyununda İngiltərə 4:1 hesabı ilə qələbə qazanıb. Bu qarşılaşma həm də İngiltərənin ilk qalibiyyəti kimi tarixə keçib.
Tərəflər arasında keçən 23 matçda hər komanda 7 dəfə qalibiyyət əldə edib 9 matç bərabərliklə bitib. İngiltərə 35, İsveç 31 qol vurub.
İsveç bu rəqibi qarşısında ilk qalibiyyətini 1949-cu ildə əldə edib. II Dünya Müharibəsindən sonra Stokholmda oynanan rəqabətin 4-cü matçında İngiltərə ilk məğlubiyyətini yaşayıb. İsveç 1979-2006-cı illər arasında İngiltərə ilə oynadığı 12 matçda məğlubiyyət üzü görməyib.
İSVEÇ DÜNYA ÇEMPİONATINDA
Dünya Çempionatında 12-ci dəfə mübarizə aparan İsveç mundial tarixində 51-ci matçına çıxacaq. Avropa komandası bu günədək 50 matçda 19 qalibiyyət, 13 bərabərlik, 18 məğlubiyyət əldə edib. 80 qol vurub, 71 qol buraxıb.
İNGİLTƏRƏ DÜNYA ÇEMPİONATINDA
İngiltərə mundialda bu günədək 66 matça çıxıb, 28 qalibiyyət, 21 bərabərlik, 17 məğlubiyyət yaşayıb. 88 qol vurub, 60 qol buraxıb. 1966-cı ildə ev sahibliyi etdikləri Dünya Çempionatının qalibi olublar. O gündən bəri qatıldıqları 9 mundialda yarımfinaldan yuxarı çıxmayıblar.
Zümrüd
***
Futbol üzrə dünya çempionatında bu gün 1/4 final mərhələsinin növbəti iki oyunu keçiriləcək.
Publika.az xəbər verir ki, əvvəlcə İsveç və İngiltərə yığmaları üz-üzə gələcəklər.
İsveç 1/8 finalda İsveçrəni 1:0 hesabı ilə üstələyib. İngiltərə isə əsas və əlavə vaxtı 1:1 hesabı ilə başa çatan matçda Kolumbiyanı penaltilər seriyasında məğlub edib.
Komandalar bu vaxta qədər dünya çempionatlarında 2 dəfə qarşılaşıblar. İlk dəfə 2002-ci il mundialında baş tutan matç 1:1 hesabı ilə yekunlaşıb. 2010-cu il mundialındakı görüş də bərabərliklə başa çatıb – 2:2. Dünya çempionatları tarixində 5 dəfə 1/4 finala vəsiqə qazanan İsveç yığması, 1938, 1958 və 1998-ci il mundiallarında isə yarımfinala yüksəlib. 1966-cı il mundialının qalibi olan İngiltərə, 2006-cı il dünya çempionatından sonra ilk dəfə ¼ final matçında çıxır. İngilislər 1990-cı il dünya çempionatından sonra bu mərhələni keçə bilmirlər.
Günün digər oyununda isə ev sahibi Rusiya ilə Xorvatiya yığması münasibətlərinə aydınlıq gətirəcək. Rusiya 1/8 finalda İspaniyanı, Xorvatiya isə Danimarkanı penaltilər seriyasında məğlub edib. Komandalar dünya çempionatları tarixində ilk dəfə qarşılaşacaqlar. Rusiya yığması SSRİ dağılandan sonra ilk dəfə bir mundialda ¼ finala yüksəlib. Xorvatiya isə 1998-ci il mundialında Almaniyanı məğlub edərək yarımfinala vəsiqə qazanıb.
DÇ-2018, 1/4 final
7 iyul
18:00. İsveç - İngiltərə
Hakimlər: Byörn Kuypers, Sander van Rokel, Ervin Zeynstra (hamısı Hollandiya), Antonio Mateu Lahos (İspaniya).
Samara. “Samara Arena”
22:00. Rusiya - Xorvatiya
Hakimlər: Sandro Riççi, Emerson de Karvalyo, Marselo van Qasse (hamısı Braziliya), Canni Sikazve (Zambiya).
Soçi. “Fişt” stadionu.
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...
-
Sosial12:25
Baş nazir təyin olunan Ceyhun Cəlilov kimdir? - Dosye