• USD 1,7000 0,00% EUR 2,0614 +0,23%
    • GBP 2,3949 -0,17% RUB 0,0236 0,00%

"Qarabağ"ın sabiq futbolçuları Qazaxıstana sevinc yaşatdı

  • İdman
  • 30 Avqust 2018 21:11
  • 600 Baxış
"Qarabağ"ın sabiq futbolçuları Qazaxıstana sevinc yaşatdı

Azərbaycan milli komandasının futbolçusu Riçard Almeydanın çıxış etdiyi Qazaxıstanın "Astana" klubu Avropa Liqasının qrup mərhələsinə yüksəlib.

Eyniadlı şəhərin təmsilçisi Avroliqanın pley-off mərhələsində Kipr APOEL-ini mübarizədən kənarlaşdırıb.

Ötən həftə səfər matçında 0:1 hesabı ilə uduzmuş "Astana" bu gün cavab görüşünün əsas vaxtını eyni hesablı üstünlüklə başa vurub. Yeganə qolu 16-cı dəqiqədə "Qarabağ"ın sabiq yarımmüdafiəçi Pedro Enrike vurub. Əlavə vaxtda hesab dəyişmədiyindən, cütün qalibi penaltilər seriyasında müəyyənləşib. Bu zaman "Astana" daha dəqiq olub - 2:1. Qazaxıstan çempionunun qollarını məhz "Qarabağ"ın sabiq futbolçuları - Riçard Almeyda və Pedro Enrike vurub. APOEL-dən isə Nunu Moraiş fərqlənib. Qalan oyunçular zərbəni dəqiq yerinə yetirə bilməyiblər.

Beləliklə, "Astana" ardıcıl üçüncü mövsüm Avropa Liqasının qrup mərhələsinə yüksəlib. 2015-2016 mövsümündə isə bu komanda Çempionlar Liqasının qrup mərhələsində çıxış edib (Report).

Halal Nemət

Xəbər lenti

DAHA ÇOX XƏBƏR