İdman
Qurban Qurbanov: "Bir az problemlərimiz olsa da..."
“Qarabağ”ın baş məşqçisi Qurban Qurbanov Avropa Liqasının qrup mərhələsi çərçivəsində Portiqaliyanın “Sportinq” klubuyla oyun öncəsi bu gün mətbuat konfransı keçirib.
Publika.az xəbər verir ki, "Joze Alvalade" stadionunun konfrans zalında jurnalistlər qarşısına çıxan təcrübəli mütəxəssis bunları söyləyib:
“Bizi ciddi rəqiblə matç gözləyir. Böyük təcrübəyə malikdilər. Bir az problemlərimiz olsa da, hər bir halda oyuna pis hazırlaşmamışıq. Rəqibi öyrənmişik. Düşünürəm ki, maraqlı qarşılaşma olacaq. Üstünlük “Sportinq” tərəfdədi. Çünki öz meydanlarında oynayır və evdə aqresssiv, aktiv çıxış edirlər. Çox qol vurmağı xoşlayırlar. Bilirik ki, bizə ağır olacaq. Ancaq rəqibi yaxşı tanıyırıq və fikrimcə, futbolçular meydanda ən yaxşı tərəflərini göstərəcəklər. Rəşad Sadıqovla bağlı qərar verilib. O, sabah meydanda olmayacaq. Ancaq Miçellə bağlı qərar vermək üçün hələ sabahadək vaxtımız var.
Bu günədək bu klubda çox məsuliyyətli işləməyə çalışmışam. Bu klubda işlədiyimə görə çox məmnunam. Bu klubu tanıtmaq üçün əlimə böyük şans düşüb və bundan maksimum yararlanmağa çalışıram. “Qarabağ”la hər yeni ölkədə olmaqla onu daha yaxından tanıtmışıq. Qarabağ torpağı Azərbaycanındı və inşallah, həmişə də olacaq. “Qarabağ” adının nə olduğunu, bölgənin başına nələrin gəldiyini yaxından dərk etmək lazımdı. Belə turnirlrədə iştirak həm ölkənin, həm də “Qarabağ” adının tanınması üçün böyük dəstəkdi. Bunun üçün klub ilk növbədə daxili çempionatda, sonra Avropa oyunlarında sabit çıxış etməlidi”.
-
Cənubi Qafqaz19:36
Ermənistan hərbçisi Azərbaycanla sərhəddə minaya düşdü
-
Avropa17:21
Makrondan qorxunc iddia: Avropa dağılacaq, köçkünlər olacaq
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!