Rusiyada Ermənistan himnini boykot edən idmançımız ERMƏNİNİ DARMADAĞIN ETDİ - VİDEO
Bizi izləyin

İdman

Rusiyada Ermənistan himnini boykot edən idmançımız ERMƏNİNİ DARMADAĞIN ETDİ - VİDEO

Rumıniyanın paytaxtı Buxarestdə keçirilən sambo üzrə dünya çempionatında ikinci günə start verilib.

Publika.az xəbər verir ki, Bəxtiyar Abbasov (82 kq) Ermənistan idmançısı Davit Petrosyanla qarşılaşıb. O, tatamiyə 1 dəqiqədən gec gəldiyi üçün görüşə 0:3 hesabı ilə geridə başlayıb. Lakin tanınmış idmançımız ardıcıl rəqibindən 11 xal alıb və görüşün bitməsinə 3 dəqiqə 42 saniyə qalmış vaxtından erkən qələbə qazanıb – 11:3.

***

Rumıniyanın paytaxtı Buxarestdə keçirilən sambo üzrə dünya çempionatında ikinci günün püşkü atılıb.

Publika.az xəbər verir ki, Mehman Xəlilov (57 kq) meksikalı Rikardo Alkantara ilə, Abdulla Abdullayev (74 kq) almaniyalı Yanik Ventsellə mübarizə aparacaq.

Döyüş sambosunda isə tanınmış idmançımız Bəxtiyar Abbasov (82 kq) ilk görüşündə erməni Davit Petrosyanla qarşılaşacaq.

Qeyd edək ki, Bəxtiyar Abbasov üç il əvvəl Moskvada keçirilmiş Anatoli Xarlampiyevin xatirəsinə həsr olunan Dünya Kubokunda bürünc medal qazanmışdı. O, çıxış etdiyi 90 kq çəki dərəcəsində çempion olmuş Aşot Danielyana görə səslənən Ermənistan himninə etiraz əlaməti olaraq çöməlmişdi.

Oxumağa davam et
Reklam
Reklam

Gündəm