İdman

Medvedev: "Meydana yalnız qələbə üçün çıxacağıq"

19 Noyabr 2018 23:48

"Son və həlledici oyuna yalnız qələbə üçün çıxacağıq. Futbolçularımız bundan ötrü əllərindən gələninin ən yaxşısını ortaya qoyacaqlar".

Publika.az xəbər verir ki, bunu Azərbaycan yığmasının futbolçusu Maksim Medvedev səfərdə Kosovo ilə keçirəcəkləri UEFA Millətlər Liqasının VI tur matçından əvvəl mətbuat konfransında deyib.

29 yaşlı müdafiəçi bildirib ki, rəqibin üstünlüyü 2 xal öndə olmasındadırsa, Azərbaycanın üstünlüyü birlikdədir. Kamran Ağayevin yoxluğunda kapitan sarğısını daşıyacaq Medvedev çox məsuliyyətli matça çıxacaqlarını bildirib:

"Komandada təcrübəli oyunçular var. Onlardan hansınınsa meydana streslə çıxacaqlarına inanmıram. Komandada məsuliyyət böyük olsa da, soyuqqanlı oynamalı olduğumuzu düşünürəm".

Noyabrın 20-də Fadil Vokrri adına stadionda keçiriləcək Kosovo - Azərbaycan matçı Bakı vaxtı ilə saat 23:45-dəbaşlanacaq. (Report)