Çempionlar Liqası: "Real", yoxsa "Roma"? (YENİLƏNİR)

Bu gün Çempionlar Liqasında V tura start veriləcək.

Publika.az xəbər verir ki, ilk gündə E, F, G və H qruplarında çıxış edən komandalar meydana çıxacaq.

E qrupunda 1/8 finala yüksəlmək üçün “Bavariya”ya 1 xal kifayətdi. “Ayaks” isə ya özü qalib gəlməli, ya “Benfika”nın məğlubiyyətini gözləməlidi. Hər iki görüşün bərabərliklə bitməsi də Hollandiya klubunun lehinədi.

F qrupunda “Mançester Siti” heç-heçə, “Lion” isə qələbə ilə tur adlaya bilər.

“Real” – “Roma” matçında qalib gələn komanda G qrupundan 1/8 finala yüksələcək. MOİK-in xal itkisi isə hər iki klubu növbəti raunda daşıyacaq.

H qrupunda da iki komanda 1/8 final şansına malikdir. “Yuventus” qələbə, digər oyunda MY-nin xal itirəcəyi halda isə heç-heçə ilə turu adlayacaq. İngiltərə klubu isə qələbə ilə qrupdan çıxa bilər. Amma bunun üçün “Valensiya” da xal itirməlidir.

Çempionlar Liqası. Qrup mərhələsi, V tur

27 noyabr

E qrupu
21:55. AEK (Yunanıstan) – “Ayaks” (Hollandiya)

00:00. “Bavariya” (Almaniya) - “Benfika” (Portuqaliya)

F qrupu

00:00. “Lion” (Fransa) – “Mançester Siti” (İngiltərə)

00:00. “Hoffenhaym” (Almaniya) - “Şaxtyor” (Ukrayna)

G qrupu

21:55. MOİK (Moskva, Rusiya) – “Viktoriya” (Çexiya)

00:00. “Roma” (İtaliya) - “Real” (İspaniya)

H qrupu

00:00. “Yuventus” (İtaliya) – “Valensiya” (İspaniya)

00:00. “Mançester Yunayted” (İngiltərə) - “Yanq Boyz” (İsveçrə)