İdman
Qurban Qurbanov unutmasın ki... - “Xəzər-Lənkəran”ın rəsmisindən SƏRT AÇIQLAMA
“6 gün əvvəl İrlandiyaya püşkatma üçün gedən və orada yeni tsikl üçün görəcəyi işlərdən danışan bir baş məşqçi niyə 6 gün ərzində istefa verməyi düşünsün ki”?
Bu fikri Publika.az-a açıqlamasında idman jurnalisti, “Xəzər-Lənkəran” klubunun mətbuat katibi Hüseyn Cəbrayıloğlu səsləndirib.
Baş məşqçi Qurban Qurbanovun milli komandadakı postundan istefa verməsinə münasibət bildirən idman mütəxəssisi bildirib ki, Qurbanovun əvvəldən milliyə gəlişi səhv addım olub:
"Altı gün əvvəl İrlandiyaya püşkatma üçün gedən və orada yeni tsikl üçün görəcəyi işlərdən danışan bir baş məşqçi niyə altı gün ərzində istefa verməyi düşünsün ki? Hətta AFFA rəhbərliyi də bu sual qarşısında kobud desək, nala-mıxa vurur. Konkret olaraq, Millətlər Liqasında fiasko çox böyük qəzəb yaradıb. Hə, burada ola bilər ki, federasiya günahın tamamını Qurban Qurbanovun üzərinə yıxaraq zərbədən qaçıb. Ən yaxşı halda, onun iki yerdə çalışmasının uğursuzluğa səbəb olduğu önə çəkilib. Məncə, Qurban Qurbanov millidən bu şəkildə göndərilməsinə görə bərk qəzəblənib. Amma unutmasın ki, getdikcə daha böyük zərbələr alacaqdı və bu məsələ də qazanan yenə də onun özü, imicidir.
Kim gələcək? Gəlsə xeyir verəcək? Kim gəlsə belə, Azərbaycan millisi aşağı yuxarı bir və ya üç xal artıq xal toplayacaq. Bu Qurban Qurbanov da qalsa belə olacaqdı. Çünki ölkədə futbol kütləviləşmir, regionlarda futbol, ümumiyyətlə, yoxdur. Azərbaycanda bölgələrdə futbol akademiyaları, böyük klublar yaranmayınca millinin başına kimin gətiriləcəyi heç bir, hətta zərrəcə əhəmiyyət daşımır. AFFA isə son on ildə irəliyə doğru bircə doğru strategiya qəbul etməyib. İtirilən illər və ölkə futboludur”.
Zümrüd
-
Sosial19:35
Özünü öldürən sabiq pediatrın iş yoldaşı DANIŞDI: “Ailə məsələsi deyil..."
-
ABŞ19:25
Bayden Ukraynaya hərbi yardım haqqında qanunu İMZALADI
-
Rəsmi xronika18:40
Prezidentlər mətbuata bəyanatlarla çıxış etdilər - FOTO/YENİLƏNDİ
-
Hadisə18:33
Bakı hava limanında həyəcan siqnalı: Təyyarə qəza enişi etdi - FOTO
-
Sağlamlıq17:27
Yapon alimləri xərçənglə mübarizə üçün unikal vasitə hazırladı
-
Sosial17:00
Sabiq baş pediatrın intiharı ilə bağlı cinayət işi başlandı - Yeniləndi
-
Cənubi Qafqaz16:39
Ukrayna deputatları Vardanyanı biabır etdilər - Nobel Komitəsinə müraciət
-
MDB15:56
Həbs olunan generalla bağlı şok iddia: Boşanması uydurma olub