"Qəbələ"də yeni baş məşqçi
Bizi izləyin
Kanon

İdman

"Qəbələ"də yeni baş məşqçi

“Qəbələ”nin U-19 komandasında baş məşqçi dəyişikliyi gerçəkləşib.

Publika.az klubun saytına istinadən xəbər verir ki, Famil Xəlilov Gənclər Liqasında mübarizə aparan “qırmızı-qaralar”ın baş məşqçisi təyin olunub. 2017-2018-ci illər mövsümündə bu komanda ilə Azərbaycan çempionu olan mütəxəssis ötən ilin avqustunda U-19-dan ayrılmışdı. Buna səbəb F.Xəlilovun 15 yaşadək futbolçulardan ibarət Azərbaycan milli komandasının baş məşqçi təyin olunması idi.

Beş aydan sonra “Qəbələ”yə qayıdan mütəxəssis U-19-da Emin İmaməliyevi əvəzləyib. Sonuncu müxtəlif komandalarını çalışdırdığı futbol akademiyasından ayrılıb. E.İmaməliyev karyerasını 2001-2002-ci il təvəllüdlü futbolçulardan ibarət Azərbaycan milli komandasında məşqçi kimi davam etdirəcək.

Teqlər
Oxumağa davam et
Reklam
Reklam

Gündəm

Kanon