İdman
İki güləşçimiz Avropa çempionatının finalına vəsiqə qazandı - FOTO
Azərbaycanın iki gənc güləşçisi İspaniyanın Pontevedra şəhərində keçirilən Avropa çempionatında final mərhələsinə yüksəliblər.
Publika.az xəbər verir ki, iyunun 8-də 57, 65, 70, 79 və 97 kiloqram çəki dərəcələrində çıxış edən gənc sərbəst güləşçilər mübarizəyə qoşulub.
Altmış beş kiloqram çəki dərəcəsində yarışan Turan Bayramov səkkizdəbir finalda güclü rəqiblə qarşılaşıb. Yeniyetmələr arasında dünya, Avropa və Olimpiya çempionumuz Gürcüstan idmançısı Amiran Vaxtanqaşvilini minimal fərqlə məğlub edib. Pəhləvanımız daha sonra Fransa təmsilçisi Marvane Əhməd Yezzanı üstələyərək yarımfinala yüksəlib. Gəncə güləş məktəbinin yetirməsi yarımfinalda Moldova güləşçisi Nikolay Qrahmezin də öhdəsindən gələrək finala vəsiqə qazanıb.
Digər idmançımız Abubakr Abakarov (79 kq) da çempionata inamla başlayıb. Güləşçimiz Belarus idmançısını 1 dəqiqə 30 saniyəyə məğlub edib. Yığmamızın üzvü Litva təmsilçisinə də vaxtından əvvəl qalib gələrək adını yarımfinala yazdırıb. O, bu mərhələdə estoniyalı rəqibinə də göz açmağa imkan verməyərək qələbə qazanıb və finala yüksələn ikinci sərbəst güləşçimiz olub.
Digər pəhləvanlarımız Azər Əhmədov, Elmar Kazımov və Sənan Əlizadə rəqiblərinə uduzaraq mübarizəni dayandırıblar.
Qeyd edək ki, final görüşləri iyunun 8-də Bakı vaxtı ilə saat 20:00-da start götürəcək.
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...
-
Sosial12:25
Baş nazir təyin olunan Ceyhun Cəlilov kimdir? - Dosye
-
Əmlak11:55
Qərar verildi: Ev almaq istəyənlərə 55 min manat ödəniləcək
-
İdman11:25
Ulduzu sönən futbolçunun parlaq gözəli - FOTOLAR
-
Nida Xəbər 10:47
Ermənilər Azərbaycanın nəzarətinə keçəcək körpünü tutdular
-
ABŞ10:17
Arxeoloqlar ABŞ-ın ilk prezidentinin içki anbarını tapdılar: Görün nə içirmiş - FOTO
-
Region09:06
I Aram Ərdoğana cavab verdi: Unutmayın ki...
-
Nəqliyyat08:32
Bu yollarda tıxac var - SİYAHI