İdman
Mübariz İbrahimovun xatirəsinə həsr olunan turnir keçirildi
Azərbaycanın Milli Qəhrəman Mübariz İbrahimovun xatirəsinə həsr olunan sərbəst güləş üzrə yeniyetmə və azyaşlılar arasında açıq respublika turniri keçirilib.
Publika.az xəbər verir ki, Azərbaycan Güləş Federasiyasının, Azərbaycan Mətbuat Şurasının və “Olimpsport” jurnalının birgə təşkilatçılığı ilə keçirilən yarışda 200-dək idmançı qüvvəsini sınayıb.
Turnirin təşəbbüskarı, güləş üzrə Əməkdar məşqçi, Fəxri Bədən Tərbiyəsi və İdman İşçisi, “Olimpsport” jurnalının baş redaktoru Ramin Allahverdiyev yarış haqqında təəssüratlarını bölüşərək deyib: “Bu yarışı keçirmək çoxdankı arzum idi. Çünki Mübariz İbrahimovun qəhrəmanlığını təbliğ edib yaşatmaq hər bir azərbaycanlı kimi mənim də borcumdur. Əslində bu turniri beynəlxalq səviyyədə keçirmək niyyətində idik. Maddi vəziyyətlə bağlı hələ ki respublika səviyyəsində keçirmək qərarına gəldik. Bu, həm də bizim üçün test xarakteri daşıyır. Əsas odur ki, ənənənin təməlini qoyduq. Məqsədimiz yeniyetmələrimizin mübariz ruhlu yetişməsi və güləşin kütləviliyini artırmaqdır. Ümid edirəm ki, gələn il bu yarış federasiyanın təqvimində yer alaraq daha geniş miqyasda keçiriləcək”.
Yarışa marağın böyük olduğunu vurğulayan turnirin təşəbbüskarı bildirib ki, paytaxtla yanaşı, bölgələrdən ondan çox komanda mübarizə aparıb. O, yarışın təşkilinə verdiyi dəstəyə görə Azərbaycan Güləş Federasiyasına və Mətbuat Şurasına minnətdarlığını bildirib.
Turnirin açılış mərasimində şəhidlərimizin ruhu bir dəqiqəlik sükutla yad edilib.
Qaliblər diplom və medallarla təltif olunublar.
-
Kriminal18:12
Sevgilisi tərəfindən döyülən Tulin Ələkbərovanın polisə şikayəti ilə bağlı RƏSMİ AÇIQLAMA - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?
-
Sosial16:58
Bu avtomobillərlə taksi fəaliyyəti göstərmək qadağan edildi
-
Sosial16:36
Azərbaycanda sayğaclar ikiqat hesablayır - ŞOK İDDİA
-
Sosial16:08
Əli Əsədov yeni qərar imzaladı
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı