İngiltərə Premyer Liqasının 9-cu turunda “Bernli” ilə görüş (4:2) “Çelsi”nin futbolçusu Kristian Pulişiç üçün əlamətdar olub.
Qol.az xəbər verir ki, qarşılaşmada het-trik edən “zadəganlar”ın futbolçusu “Çelsi”nin heyətində Premyer Liqada bir oyunda 3 qol vuran ən gənc futbolçu olub. ABŞ-lı yarımmüdafiəçi bunu 21 yaş 38 günlüyündə bacarıb.
Bundan əvvəlki rekord Temmi Abrahama aid idi. İngilis hücumçu Premyer Liqanın 5-ci turunun “Vulverhempton”la oyununda het-trik etmişdi. Abraham bunu edəndə 21 yaş 347 günlük idi.
.jpg)
