İdman
İsveçrənin qarlı zirvələrində “Odlar Yurdu”nun hərarəti tamaşaçıları heyran etdi - FOTOLAR
İsveçrənin Sankt-Moritz şəhərində Qar polosu üzrə Dünya Kuboku turniri başa çatıb.
Publika.az xəbər verir ki, Heydər Əliyev Fondunun dəstəyi və Azərbaycan Respublikası Atçılıq Federasiyasının təşkilatçılığı ilə çempionatda iştirak edən “Land of Fire” komandası Avropa tamaşaçılarına Polonun vətəni Azərbaycanın atçılıq ənənələrini, Odlar Yurdunun füsunkar təbiətə, qədim mədəniyyətə malik olmaqla yanaşı, güclü idmançılar diyarı olmasını nümayiş etdirib.
25 yanvar 2020-ci il tarixində Azərbaycan komandası “St. Moritz” komandası ilə qarşılaşıb. Çox gərgin şəraitdə keçən görüşdə təmsilçimiz böyük qələbə əzmi nümayiş etdirib və rəqib idmançıların şiddətli müqaviməti ilə üzləşib. Qarşılaşmanın yekunu olaraq “Land of Fire” komandası finala vəsiqə qazanıb.
Günün ikinci oyununda “Mazerati” komandası “Badrutt’s Palace Hotel” komandasına qalib gəlib.
Proqrama uyğun olaraq 26 yanvarda turnirin üçüncüsünün müəyyən olunması üçün “Mazerati” və “Badrutt’s Palace Hotel” komandaları qarşılaşıb. Bu görüşdə “Mazerati” komandası öz rəqibindən üstün olub.
Ölkəmizi təmsil edən “Land of Fire” komandası final görüşündə turnirin ən güclü komandası sayılan “St. Moritz” ilə qarşılaşıb. Gərgin və kompromissiz mübarizə şəraitində keçən qarşılaşma rəqibin qələbəsi ilə yekunlaşıb. Beləliklə də, təmsilçimiz turnirin ikincisi olub.
Final görüşündən sonra qaliblərin mükafatlandırılması mərasimi baş tutub. Eyni zamanda, turnirin ən yaxşı oyunçusu, ən yaxşı komandası və ən yaxşı atı nominasiyaları üzrə mükafatlar və hədiyyələr təqdim olunub.
Beynəlxalq Polo Federasiyasının təşkilatçılığı ilə “13-cü Polo üzrə Avropa Çempionatı” 10-20 sentyabrda Bakı şəhərində baş tutacaq.
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO
-
Magazin208:36
Kristofer Nolan cəngavər olacaq, xanımı isə... - FOTO
-
Ekologiya07:17
Bu günə olan hava PROQNOZU - 20 dərəcə isti
-
Magazin206:16
Leonardo Di Kaprio ilə sevgilisi arasında NƏ BAŞ VERİR?
-
Səhiyyə05:15
Ömrü uzadan pəhriz sınaqdan UĞURLA ÇIXDI
-
Avropa03:43
Meqan Markl Keyt Middltonun xəstəliyindən necə istifadə etdi? - ŞOK DETALLAR
-
Avropa02:00
Azərbaycanlı jurnalist Kiyevdə vəfat etdi - FOTO