Nəhəng klublar 19 yaşlı futbolçu uğrunda yarışır
Bizi izləyin

İdman

Nəhəng klublar 19 yaşlı futbolçu uğrunda yarışır

Dortmund "Borussiya"sının hücumçusu Erlinq Holand karyerasını Fransada davam etdirə bilər.

Publika.az "Marca"ya istinadən xəbər verir ki, PSJ növbəti mövsüm üçün Holandı transfer etmək niyyətindədi.

Kilian Mbappenin müqaviləsi 2022-ci ildə başa çatır. Yeni sözləşmə ilə bağlı danışıqların gedişində problemlər yaranıb.

Neymar isə İspaniyada oynamaq istəyir. PSJ rəhbərliyi onların hər ikisini komandada saxlamağın mümkün olacağına inanmır. Bu səbəbdən Mbappe-Neymar ikilisindən birinin yerini doldurmaq məqsədilə Holandın transferi planlaşdırılır.

19 yaşlı futbolçunun adı "Real"la hallanır. Madrid klubunun 2021-ci ilin yayı ilə bağlı prioriteti Holanddı.

Norveçli forvard 2020-ci ilin yanvarında 20 milyon avro qarşılığında "Zaltsburq"dan transfer edilib. Bundesliqada 9 matçda meydana çıxan Holandın aktivində 10 qol, 2 məhsuldar ötürmə var.

Oxumağa davam et
Reklam
Reklam

Gündəm