• USD 1,7000 0,00% EUR 1,9810 -0,22%
    • GBP 2,1592 -0,13% RUB 0,0221 -0,90%

Xarici klub "Qarabağ"a qol vuran futbolçunu geri qaytardı

Xarici klub "Qarabağ"a qol vuran futbolçunu geri qaytardı

"Qarabağ"ın UEFA Çempionlar Liqasının II təsnifat mərhələsindəki potensial rəqiblərindən Moldova "Şerif"i heyətini yeni futbolçu ilə gücləndirib.

Publika.az klubun rəsmi saytına istinadən xəbər verir ki, bir müddət öncə "Zirə"dən ayrılan Riçard Qadzeni transfer edən Tiraspol təmsilçisi Almaniya "Paderborn"undan bosniya və herseqovinalı yarımmüdafiəçi Rifet Kapiçi icarəyə götürüb.

25 yaşlı oyunçu ilə 1 illik müqavilə imzalanıb.

2018/2019 mövsümündə də "Şerif"in formasını geyinmiş Kapiç 2 il öncə Avropa Liqasının pley-off mərhələsinin Tiraspolda keçirilən ilk oyununda (1:0) "Qarabağ"ın qapısına qol vuraraq komandasına minimal hesablı qələbə qazandırmışdı. Cavab matçında isə Qurban Qurbanovun baş məşqçisi olduğu kollektiv rəqibini 3 cavabsız qolla məğlub edərək qrup mərhələsinə vəsiqə qazanmışdı.

Qeyd edək ki, "Qarabağ" Çempionlar Liqasının I təsnifat mərhələsində Makedoniya təmsilçisi "Sileks"lə qarşılaşacaq. Bakıdakı oyun avqustun 18-də olacaq və saat 20:00-da başlayacaq. Bu cütün qalibi II təsnifat mərhələsində "Şerif" (Moldova) - "Fola Eş" (Lüksemburq) cütünün güclüsü ilə üz-üzə gələcək.

Halal Nemət

Xəbər lenti

DAHA ÇOX XƏBƏR