Lüksemburq hökumətindən Azərbaycanla oyun öncəsi MÜHÜM QƏRAR
Bizi izləyin

İdman

Lüksemburq hökumətindən Azərbaycanla oyun öncəsi MÜHÜM QƏRAR

Lüksemburqda beynəlxalq futbol matçlarında dronlardan istifadə qadağan edilib.

Hökumət yığmanın UEFA Millətlər Liqasının qrup mərhələsinin sonuncu - VI turunun Azərbaycanla oyununda baş verə biləcək mümkün təxribatın qarşısını almaq üçün bu addımı atıb.

İkinci Qarabağ müharibəsinin yenicə başa çatdığını nəzərə alan müvafiq qurumlar görüşün baş tutacağı "Jozi Bartel" stadionunun üzərində dronların uçuşuna qadağa qoyub. Qadağanı pozan şəxsləri 8 gündən 1 ilə qədər həbs cəzası və 12-248 avro məbləğində cərimə gözləyir.

Qeyd edək ki, 2018/2019 mövsümündə UEFA Avropa Liqasının qrup mərhələsinin "Düdelanj" - "Qarabağ" oyununda (1:4) ermənilər tərəfindən təxribat törədilmişdi. Matçın birinci hissəsində Ağdam klubunun 30-cu dəqiqədə vurduğu ikinci qoldan sonra stadionun üzərinə dronla separatçı rejimin bayrağı gətirilmişdi.

Oxumağa davam et
Reklam
Reklam

Gündəm