Zaqrebdə komandamız ikinci qızıl medalını qazandı
Bizi izləyin

İdman

Zaqrebdə komandamız ikinci qızıl medalını qazandı

Xorvatiyanın paytaxtı Zaqrebdə cüdo üzrə Qran-Pri turnirində komandamız daha bir qızıl medal əldə edib.

Publika.az xəbər verir ki, səkkizdəbir finaldan mübarizəyə başlayan cüdoçumuz Məmmədəli Mehdiyev (90 kq) əvvəlcə Sebastian Oldak (Polşa), sonra Vaçid Borçaşvili (Avstriya) və Xusen Xalmurzayevi (Rusiya) məğlub edərək finala vəsiqə qazanıb. Həlledici mərhələdə Luka Maisuradze (Gürcüstan) üzərində qələbə qazanan M.Mehdiyev Qran-Prinin qalibi olub.

Qeyd edək ki, bundan əvvəl cüdoçumuz Hidayət Heydərov (73 kq) uğurla çıxış edərək qızıl medal qazanıb.

Otuz beş ölkədən 240-dən çox idmançının qüvvəsini sınadığı turnirdə Azərbaycanı iki cüdoçu təmsil edib.

Oxumağa davam et
Reklam
Reklam

Gündəm