Klub reytinqində də irəlilədik

UEFA Çempionlar Liqası, Avropa Liqası və Konfrans Liqasının 2022-2023 mövsümündə qrup raundlarının ikinci turu geridə qalıb, klub reytinqi yenilənib.

Publika.az bildirir ki, 5 UEFA üzvünün, o cümlədən Ukrayna, Türkiyə və Ermənistanın mövqeləri yaxşılaşıb.

Azərbaycan 55 üzv arasında 29-cudur.

Mövsümdə komandaları qalan Ukrayna 15-ci, Türkiyə 19-cu, Moldova 32-ci, Latviya 34-cü, Ermənistan 40-cı, Litva 41-ci pillədə qərar tutur.

Reytinq klub turnirlərində son beş mövsümdə qazanılan əmsala əsaslanır. Təsnifat mərhələlərində qələbə 1 xal, heç-heçə yarım xal, sonrakı raundlarda qələbə 2 xal, heç-heçə 1 xaldır.

Qrup mərhələsi və sonrakı raundlar üçün 1-5 arası bonus xalları da var.

Toplanan xallar qitə turnirlərinə vəsiqə almış ölkə klublarının sayına bölünür və mində bir dəqiqliklə əmsal çıxarılır.

2022-2023 mövsümündə Azərbaycan 2,500 əmsal əldə edib.

Ölkə təmsilçisi “Qarabağ” Avropa Liqasının G qrupunda “Olimpiakos” (Yunanıstan), “Frayburq” (Almaniya), “Nant” (Fransa) komandaları ilə mübarizə aparır. "Köhlən atlılar" "Nant" üzərində 3-0 hesablı qələbədən sonra üç xalla "H" qrupunun ikincisidir.