Argentina millisi Meksikanı məğlub etdi - YENİLƏNDİ

Qətərdə keçirilən futbol üzrə dünya çempionatında daha bir oyun baş tutub.

Publika.az xəbər verir ki, C qrupunun II turunda Argentina və Meksika komandaları üz-üzə gəlib.

Qarşılaşma Argentinanın 2:0 hesablı qələbəsi ilə bitib. 64-cü dəqiqədə Lionel Messi baxımlı qola imza atıb. 87-ci dəqiqədə isə Entso Fernandes fərqi daha da artırıb.

Mundialda birinci qələbəsini əldə edən "tanqoçular" ilk üç xalını qazanıb və ikinci pilləyə yüksəlib. Qrupa 4 xalla Polşa kollektivi başçılıq edir. Səudiyyə Ərəbistanı 3 xalla üçüncü, Meksika 1 xalla sonuncu sıradadır.

Sonuncu - III turda Polşa Argentina ilə, Səudiyyə Ərəbistanı isə Meksika ilə görüşəcək. Həmin matçlar noyabrın 30-da olacaq.

xxx

00:48

Qətərdə keçirilən dünya çempionatında Argentina və Meksika yığmaları arasında C qrupunun II tur oyununda növbəti qol vurulub.

Publika.az xəbər verir ki, Argentina seçməsindən Antso Fernandes 87-ci dəqiqədə fərqi iki topa çatdırıb - 2:0.

xxx

00:25

Qətərdə keçirilən dünya çempionatında Argentina və Meksika yığmaları arasında C qrupunun II tur oyununda hesab açılıb.

"Report"un məlumatına görə, 64-cü dəqiqədə Lionel Messi Argentina seçməsini hesabda önə keçirib - 1:0.

xxx

00:00

Qətərdə keçirilən dünya çempionatında Argentina və Meksika yığmaları arasında C qrupunun II tur oyununda ilk hissə başa çatıb.

Publika.az xəbər verir ki, komandalar fasiləyə qolsuz bərabərliklə yollanıblar.

xxx

23:00

Qətərdə keçirilən dünya çempionatında Argentina və Meksika yığmaları arasında C qrupunun II tur oyunu başlayıb.

Publika.az xəbər verir ki, qarşılaşma Bakı vaxtı ilə saat 23:00-da start götürüb.