Xorvatiya Kanadanı məğlub etdi - YENİLƏNDİ

Qətərdə keçirilən futbol üzrə dünya çempionatında qrup mərhələsinin ikinci turunda daha bir oyun baş tutub.

Publika.az xəbər verir ki, günün üçüncü matçında F qrupunda Xorvatiya və Kanada milliləri üz-üzə gəliblər.

Avropa təmsilçisi rəqibini 4:1 hesabı ilə üstələyib. Görüşdə hesabı 2-ci dəqiqədə Kanada yığmasının heyətində Alfonso Deyvis açıb.

Xorvatların qollarını 36-cı və 70-ci dəqiqələrdə Andrey Kramariç, 44-cü dəqiqədə Marko Livaya, 90+4-cü dəqiqədə isə Lovro Mayer vurub.

Ötən mundialın finalçısı qələbə sayəsində xallarının sayını 4-ə çatdırıb və liderliyə yüksəlib. İkinci sıradakı Mərakeş kollektivinin də eyni xalı var. Belçika 3 xalla üçüncü yerdədir. Xalı olmayan Kanada kollektivi növbəti mərhələ şanslarını itirib.

xxx

21:32

Qətərdə keçirilən dünya çempionatında Xorvatiya və Kanada yığmaları arasında F qrupunun II tur oyununda növbəti qol vurulub.

Publika.az xəbər verir ki, Avropa təmsilçisi hesab arasındakı fərqi artırıb - 3:1.

Andrey Kramariç 70-ci dəqiqədə özünün ikinci, komandasının üçüncü qoluna imza atıb.

xxx

21:05

Qətərdə keçirilən dünya çempionatında Xorvatiya və Kanada yığmaları arasında F qrupunun II tur oyununda ikinci hissə start götürüb.

Publika.az xəbər verir ki, Avropa təmsilçisi 2:1 hesabı ilə öndədir.

xxx

20:50

Qətərdə keçirilən dünya çempionatında Xorvatiya və Kanada yığmaları arasında F qrupunun II tur oyununda birinci hissə başa çatıb.

Publika.az xəbər verir ki, Avropa təmsilçisi fasiləyə öndə yollanıb - 2:1.

xxx

20:45

Qətərdə keçirilən dünya çempionatında Xorvatiya və Kanada yığmaları arasında F qrupunun II tur oyununda növbəti qol vurulub.

Publika.az xəbər verir ki, Avropa təmsilçisi hesabda önə keçib - 2:1.

Xorvatiya seçməsinin ikinci qolunu 44-cü dəqiqədə Marko Livaya vurub.

xxx

20:36

Qətərdə keçirilən dünya çempionatında Xorvatiya və Kanada yığmaları arasında F qrupunun II tur oyununda növbəti qol vurulub.

Publika.az xəbər verir ki, Avropa təmsilçisi hesabı bərabərləşdirib - 1:1

Xorvatiya yığmasının heyətində Andrey Kramariç 36-cı dəqiqədə tarazlığı bərpa edib.

xxx

20:02

Qətərdə keçirilən dünya çempionatında Xorvatiya və Kanada yığmaları arasında F qrupunun II tur oyununda hesab açılıb.

Publika.az xəbər verir ki, 2-ci dəqiqədə Alfonso Deyvis Kanadanı önə keçirib - 1:0.

xxx

20:00

Qətərdə keçirilən dünya çempionatında Xorvatiya və Kanada yığmaları arasında F qrupunun II tur oyunu başlayıb.

Publika.az xəbər verir ki, qarşılaşma Bakı vaxtı ilə saat 20:00-da start götürüb.