Yarımfinala qələbə ilə başladılar
Bizi izləyin

İdman

Yarımfinala qələbə ilə başladılar

Qadın voleybolçular arasında Azərbaycan Yüksək Liqasının yarımfinal mərhələsi start götürüb.

Publika.az xəbər verir ki, bu gün yarımfinalın ilk oyunları çərçivəsində “Abşeron” klubu “Murov”la, “Azərreyl” isə UNEC-lə qarşılaşıb.

Günə “Abşeron” – “Murov” matçı ilə start verilib. Görüş “Murov”un 29:27 hesablı qələbəsi ilə başlayıb. İkinci setdə 25:18 hesabı ilə “Abşeron” qalib gəlsə də, Vüqar Əliyevin komandası növbəti hissələri 25:19 və 25:18 hesabları ilə öz xeyrinə başa vuraraq matçın qalibi olub – 3:1. Beləliklə, “Murov” yarımfinalın ilk oyununda qələbə qazanıb.

Voleybol Mərkəzində təşkil olunan yarımfinalın digər matçında “Azərreyl”lə UNEC üz-üzə gəlib. Bu oyun əsas mərhələni lider kimi başa vuran “Azərreyl”in üstünlüyü ilə keçib. Setlərdə 25:7, 25:14 və 25:17 hesabları ilə qalib gələn Eldar Yusubovun yetirmələri quru hesablı qələbəni rəsmiləşdiriblər.

Qeyd edək ki, yarımfinal mərhələsi iki qələbəyə kimi, final mərhələsi isə üç qələbəyə kimi oynanılacaq.

Yarımfinal (birinci oyun)

“Abşeron” – “Murov” 1:3 (27:29, 25:18, 19:25, 18:25)

“Azərreyl” – UNEC 3:0 (25:7, 25:14, 25:17)

Oxumağa davam et
Reklam
Reklam

Gündəm