Burnunu oğurlayıblar, indi də 100 minə qaytarırlar - FOTO
Bizi izləyin
Aptekonline

İdman

Burnunu oğurlayıblar, indi də 100 minə qaytarırlar - FOTO

Özlərini “The Noze Club” adlandıran bir qrup naməlum şəxs İsveçin Malmö şəhərinin rəhbərliyinə İsveç millisinin və “Milan”ın hücumçusu Zlatan İbrahimoviçin heykəlinin oğurlanmış burnunu almağı təklif edib.

Publika.az xəbər verir ki, qeyri-adi təklif haqqında “Sydsvenskan” qəzeti yazır.

2019-cu ilin oktyabr ayında doğma şəhəri Malmödə məşhur oyunçunun bürünc heykəlinin açılışı olub. Lakin İbrahimoviç “Hammarbyu” klubunun ortaq sahibi olduqdan sonra “Malmö” azarkeşləri kumirin heykəlinə hücum etməyə başlayıblar.

Belə ki, noyabrın sonunda vandallar onun üstünə zibil torbası qoyub, dekabrda isə heykəlin ayaqlarını kəsməyə cəhd ediblər. 2019-cu ilin sonunda naməlum şəxslər heykəlin burnunu oğurlayıblar və gümüşü boya ilə boyayıblar.

İsveç nəşrinin məlumatına görə, “The Noze Club” İbrahimoviçin heykəlinin burnu üçün 100 min avro tələb edir.

Oxumağa davam et
Reklam
Reklam

Gündəm

Aptekonline