XIV Yay Paralimpiya Oyunları zamanı Azərbaycana ilk qızıl medalı qazandıran Ramin İbrahimov təlim-məşq üçün İranda olub.
Bu zaman paralimpiyaçımız Azərbaycanın böyük şairi Məhəmmədhüseyn Şəhriyarın məzarını ziyarət edib.
Bu barədə idmançı Publika.az-a danışıb:
“İrana başqa bir işlə əlaqədar getmişdim. Orada olarkən qədim gözəl torpaqlarımızı gəzdim, çox bəyəndim. Oradakı idmançılarla da görüşüb, məşqlər etdik.
Maraqlı bir kənd var orda. Beş min il tarixi olan Kəndovan kəndi... Tarixi bir yerdir. Təsəvvür edin, insanlar indi də orada qayadan ovulmuş daş evlərdə yaşayır.
Ən əsası, şair Şəhriyarın da məzarını ziyarət etdim. Təbrizdə olub ustad Şəhriyarın məzarını ziyarət etməmək olmaz”.
Məlumat üçün bildirək ki, Azərbaycanın böyük şairi Məhəmmədhüseyn Şəhriyarın məzarı İranın Təbriz şəhərindəki “Şairlər məqbərəsi” (“Məqbərətul şuara”) adlı yerdədir.
Aygün İlqarqızı
.jpg)
.jpg)
