.jpg)
London Paralimpiadasının qızıl medalçısı, ikiqat Avropa çempionu Ramin İbrahimov sosial şəbəkədə maraqlı video paylaşıb.
Publika.az xəbər verir ki, çempionun bu görüntüləri Türkiyədə təlim-məşq prosesində olarkən çəkilib. Cəldliyi ilə diqqət çəkən idmançımızın bu görüntüləri bəzi idmançılar üçün də nümunədir.
Paralimpiyaçı Türkiyəyə gedişinin səbəbləri ilə bağlı bizə danışdı:
“İndi əsas məqsədim 2016-cı ildə Braziliyanın paytaxtı Rio-de-Janeyro şəhərində keçiriləcək Yay Olimpiya Oyunları ilə bağlıdır. Hazırlığımız indidən başlayıb. Qarşıda bizi lisenziya turnirləri, dünya oyunları və Avropa çempionatı gözləyir. Hədəfimiz burada lisenziya qazanıb Rio-de-Janeyroda keçiriləcək olimpiya oyunlarında ölkəmizi layiqincə təmsil eləməkdir”.
Xatırladaq ki, Ramin XIV Yay Paralimpiya Oyunları zamanı Azərbaycana ilk qızıl medalı qazandırıb. İbrahimov 2011-ci ildə Azərbaycan Prezidenti tərəfindən “Tərəqqi medal”ına layiq görülüb.
Aygün İlqarqızı
