İdman

Yenə söz oyununa çıxdılar

15 Oktyabr 2014 19:48

"Qalatasaray" və "Fənərbaxça" düşərgəsində yenə gərginlik hiss olunur.

Ötən derbidə diqqət mərkəzinə düşən Volkan Demirel və Felipe Melo açıqlama veriblər.

Publika.az xəbər verir ki, Volkan sosial şəbəkədə belə yazıb:

“Qalatsaray”la oyunun nə anlama gəldiyini hamı bilir. Həmişəki kimi, "TT Arena"ya 3 xal üçün gedəcəyik. Zədəm tam sağalmayıb. Amma ayağım qopsa da, "Qalatasaray"a qarşı oynamaq istəyirəm. Matçdan əvvəl məlum insana (Meloya – red red.) demək istəyirəm ki, yenə təxribat etməsin. O "Pitbull", yəqin, dərsini alıb. Almayıbsa, ona dərsini yenə verərik”.

Melo isə Volkana belə reaksiya verib:

“Onun sözlərini ciddi hesab etmirəm. Mən meydanda cavab verirəm. Volkanın mənə düşmənçiliyini həqiqətən anlaya bilmirəm. O, mənə dərs verəcəyini deyib. Braziliyada Volta-Redonda şəhərinin küçələrində böyümüşəm. Heç kimdən qorxum yoxdur. Ümid edirəm, derbi sakit keçər və "Qalatasaray" zəfər çalar”.

Aygün İlqarqızı