"Barselona"nın görün nə qədər borcu var: Levandovskiyə görə 7 kluba pul ödənməlidir

“Barselona” 2 il əvvəl reallaşdırdığı transferlər üçün digər komandalara pul ödəməlidir.

Publika.az xəbər verir ki, bununla bağlı AS klubun maliyyə hesabatlarını dərc edib.

Kataloniyalıların hazırda 147 milyon avrodan bir qədər çox borcu var ki, bunun 45-i qısamüddətli, 102-si isə uzunmüddətli dövr üçün ödənilməlidir.

Klubun həm təcili, həm də uzunmüddətli ödəməli olduğu iki ən böyük aktiv Robert Levandovski və Rafinya ilə bağlıdır.

Polşalı forvard üçün "Barselona"nın 7 kluba borcu var: "Bayern"ə qısa müddətdə 10,4 milyon və uzunmüddətli perspektivdə 10,6 milyon, "Borussiya Dortmund"a - qısa müddətdə - 78 min avro və uzunmüddətli perspektivdə daha 78 min avro ödənməlidir. Forvard üçün hələ pul almamış digər klublar isə "Legiya" (50.000 və 50.000), "Lex" (119.000 və 119.000), "Delta Varşava" (33.000 və 33.000), "Znix" (113.000 və 113.000) və ISS-dir (113.000 və 113.000) .

Rafinyaya görə "Lids"ə qısa müddətdə 559.000 avro və uzunmüddətli perspektivdə demək olar ki, 42 milyon avro ödənməlidir. Üstəlik? brazliyalı vingerin ilk klubları "Sportinq" və "Renn"ə də ödənişlər edilməlidir.

Heybət