İdman

"Barselona" El-Klasikoda bu formalarla oynayacaq - FOTOLAR

18 Oktyabr 2024 16:21

"Barselona" klubu "Real"la oyunda "Coldplay" musiqi qrupunun loqosu olan forma geyinəcək.

Publika.az xəbər verir ki, klub "Spotify" platforması ilə əməkdaşlıq çərçivəsində layihəni icra edəcək.

Kataloniya klubunun əsas mövsüm formasında dəyişiklik edilməyəcək. Yalnız əsas sponsorun yerində Britaniya rok qrupunun loqosu yerləşdiriləcək. Bir oyun üçün keçiriləcək layihə qadın komandasına da şamil olunacaq.

Kataloniya təmsilçisi oyun forması ilə yanaşı, pərəstişkarlarına eksklüziv tərəfdaşlığa həsr olunmuş gündəlik geyimlər də təqdim edəcək. Yaxın vaxtlarda klub bütün məhsulları rəsmi mağazada satışa çıxaracaq. Əldə olunacaq gəlir xeyriyyə işlərinə yönəldiləcək.

Qeyd edək ki, "Barselona" 9 turdan sonra La Liqa turnir cədvəlinə başçılıq edir - 24 xal. "Real" liderdən 3 xal geri qalır.

Mövsümün ilk El-Klasikosu oktyabrın 26-da "Santiaqo Bernabeu" stadionunda keçiriləcək.

Heybət