İdman

Ramos “Real”a qayıdır? – Əfsanənin yazdığını bəyəndi

11 Noyabr 2024 11:00

“Real Madrid”in 38 yaşlı keçmiş mərkəz müdafiəçisi Serxio Ramos kluba qayıdacağı ilə bağlı yayılan söz-söhbətlərə cavab verib.

Publika.az xəbər verir ki, Ramos klubun digər əfsanəsi Qutinin bu məsələ ilə bağlı şərhini yüksək qiymətləndirib.

“Real”ın zədə səbəbindən Eder Militaonu itirdiyi “Osasuna” ilə matçdan (4:0) sonra verdiyi müsahibədə Quti bunları söyləyib: “Serxio Ramosu “Real”a qaytarmaq variantını nəzərdən keçirərdim. O, indi azad agentdir, onun qayıtması kluba 0 avroya başa gələcək”, – Quti bildirib.

Qısa müddətdən sonra onun sözləri internetdə yayılıb və Ramos Qutinin idman nəşrlərindən birinin səhifəsindəki açıqlamasını bəyənib.

Ramos 2005-2021-ci illərdə “Real Madrid”də çıxış edib. Bu müddət ərzində o, bütün turnirlərdə 671 matçda iştirak edib, 101 qol vurub və 40 məhsuldar ötürmə edib. 2024-cü ilin yayından etibarən “Sevilya” ilə müqaviləsi başa çatdıqdan sonra azad agent statusundadır.