İdman

19 yaşlı idmançı qəfil öldü

27 Noyabr 2024 13:36

Velosipedçi Tuur Hanken ad günündə - noyabrın 26-da dünyasını dəyişib.

Publika.az xəbər verir ki, bu barədə onun keçmiş komandası "Lead Out Cycling" məlumat yayıb.

“Tuur 2022-ci ildən üzvümüzdür. Ötən mövsüm 20 yaşadək velosipedçilərdən ibarət komandada çıxış edib. Velosipedçilərimizin və əməkdaşlarımızın Tuur haqqında xoş xatirələri var. Həmişə hörmətli, gülərüz, hamı tərəfindən sevilən biri olub. Təəssüf ki, bir-birləri ilə yeni xatirələr yaratmaq üçün birlikdə vaxtları olmayıb. Tuuru tanıyan hər kəsə səbr diləyirik”.

Flamand təlim xidmətinin məlumatına görə, Tuur Hanke gözlənilmədən dünyasını dəyişib.

Keçən ay o, şəxsi səbəblərdən velosiped sürməkdən imtina edərək həyatında yeni səhifə açmağa qərar vermişdi. “İndi həyatda başqa şeylərdən həzz almağın vaxtıdır. Dörd unudulmaz ildən sonra yarışlarla vidalaşıram”, - deyə Hanken sosial şəbəkə hesabında yazıb.

Heybət