İdman

İngiltərə nəhənginin stadionunu siçanlar basdı

24 Dekabr 2024 10:36

“Mançester Yunayted”in ev oyunlarını keçirdyi stadionu siçanlar bürüyüb.

Publika.az xəbər verir ki, bu barədə “Daily Mail” məlumat yayıb.

Mənbə bildirib ki, səhiyyə müfəttişləri "Old Trafford"un birinci mərtəbəsindəki ərzaq dükanlarında və korporativ mənzillərdə gəmiricilərə dair dəlillər aşkar ediblər. Yeməklərin birbaşa hazırlandığı ərazilərdə siçanlarla bağlı problem olmayıb.

Müfəttişlər klubun sağlamlıq reytinqini dörd ulduzdan ikiyə endiriblər. "Old Trafford"da gəmirici problemini aradan qaldırmaq üçün profilaktik tədbirlər həftədə 4-5 dəfə aparılır.

Qeyd olunur ki, “Mançester Yunayted” bir neçə ildir ki, zərərvericilərə qarşı mübarizə xidmətləri ilə işləyir. 2015-ci ildə “Qırmızı şeytanlar” artıq gəmiricilərin invaziyası ilə üzləşmişdi. Hətta işçilərin ofislərində belə onları aşkarlamışdılar.

Heybət