İdman

Braziliya klubu "Sevilya”nı ŞOK MƏBLƏĞLƏ SUSDURDU - Juninyo uğrunda mübarizə şiddətlənir

7 Yanvar 2025 22:50

“Qarabağ”ın futbolçusu Juninyonun “Sevilya”ya transferi baş tutmaya bilər.

Publika.az xəbər verir ki, buna səbəb Braziliyanın “Flamenqo” klubudur.

İddiaya görə, “qırmızı-qaralar” Ağdam klubuna 7-8 milyon avro, Juninyonun özünə isə 5 milyon avro məvacib ödəməyə hazır olduğunu bildirib.

Bu, “Sevilya”nın “köhlən atlar”a təklif etdiyi məbləğdən 2 dəfə çoxdur. İspaniya təmsilçisi isə Juninyoya təqribən 1,5-1,7 milyon avro maaş verməyi planlaşdırır.

“Flamenqo” “Qarabağ”ın braziliyalısından qısa zamanda qərar verməyi tələb edir. Əks halda başqa namizədlər nəzərdən keçiriləcək.

Qeyd edək ki, “Qarabağ”ın transfer əməliyyatlarında iştirak edən menecer Tural Əsgərov Publika.az-a açıqlamasında “Flamenqo”nun Azərbaycan çempionu və Juninyo ilə danışıqlar apardığını açıqlamışdı.

Heybət Məmmədov