Buz üzərində qaçan “ayı" rekord qırdı

Tromsoda (Norveç) hər il buz marafonu keçirilir.

Publika.az xəbər verir ki, bu il turnirdə unikal rekorda qeydə alınıb.

54 yaşlı britaniyalı marafonçu Hill Punt marafonda qaçmaq və dünya rekordu qırmaq üçün qütb ayısı kostyumu geyinib. O, 4 saat 58 dəqiqə 29 saniyə nəticə ilə finişə nail olub. O, kostyumda ən sürətli buz marafonuna görə Ginnesin Rekordlar Kitabına düşüb.

Marafon xeyriyyə məqsədi ilə keçirilib. Böyük Britaniya Xərçəng Araşdırmaları (CRUK) mərkəzi üçün 25,628 dollar toplanıb. Təşkilat üçün illər ərzində toplanan ümumi məbləğ 2,39 milyon dollara çatdırdı. Marafonçu bildirib ki, yarışının məqsədi 1999-cu ildə 56 yaşında vəfat edən atasının xatirəsinə xeyriyyə fondu üçün pul toplamaq olub.

“Mən atamı gənc yaşda öd yolları xərçəngindən itirdim və bu dəhşətli hadisə mənim CRUK üçün pul yığmağımın başlanğıcı oldu Yəqin ki, Böyük Britaniyada və ya dünyada elə bir ailə yoxdur ki, bu dəhşətli xəstəlikdən əziyyət çəkməsin. Ona görə də mən CRUK-u onların həyati işlərində dəstəkləmək üçün əlimdən gələni etməyə davam edəcəyəm”.