İdman

Əfsanə rəhbərliyi yıxıb-sürüdü: 10 il ərzində...

9 Fevral 2025 17:48

“Mançester Yunayted”in keçmiş oyunçusu Rayan Giqqz “qırmızı şeytanlar”ın idarə heyətini on il ərzində səhv qərarlar verməkdə günahlandırıb.

Publika.az xəbər verir ki, klubun əfsanəsi baş məşqçi Ruben Amorimə dəstək verməyə çağırıb.

“Hər bir işdə olduğu kimi, işə qəbul düzgün olmalıdır, lakin “Mançester Yunayted”də son on ildə belə olmayıb. Sadəcə bir-birinin ardınca pis qərar verdilər.

İndi sual budur ki, Ruben Amorim ona lazım olan oyunçuları, ehtiyacı olan dəstəyi və ən əsası, vaxtı əldə edəcək?.

Hazırda pis vəziyyətdəyik, amma ilk növbədə onu deyim ki, məşqçini çox bəyənirəm. Vaxt və şans verilsə, Amorim klubun əvvəlki şöhrətini qaytaracaq. Amma biz indi bundan çox uzağıq”, – “The Sun” Giqqzdən sitat gətirib.

24 oyundan sonra “Mançester Yunayted” 29 xalla Premyer Liqanın turnir cədvəlində 13-cü yerdədir.