İdman

Federasiya prezidenti həbs olundu: təcavüzə görə

15 Fevral 2025 00:19

Fransa Tennis Federasiyasının keçmiş prezidenti Jan-Pier Dartevel idmançıya təcavüz etdiyinə görə 10 il müddətinə azadlıqdan məhrum edilib.

Publika.az xəbər verir ki, bu barədə “Le Parisien” məlumat yayıb.

Məhkəmə prosesi fevralın 11-dən 13-dək baş tutub. Hazırda 25 yaşı olan qadın Darteveli azyaşlı olarkən bir neçə dəfə zorlamaqda ittiham edib. Təmaslar 2016-cı ilin sentyabrından 2018-ci ilin martına qədər, qurbanın 17-19 yaşları arasında baş verib. Dartevelin indi 74 yaşı var.

Sabiq funksioner iddia edir ki, idmançı ilə bütün cinsi əlaqə konsensual olub. O, apellyasiya şikayəti etmək niyyətindədir. Müstəntiqlər təmasların əsasən Dartevelin işlədiyi diş klinikasında, həmçinin oteldə və ya yol kənarındakı xidmət stansiyalarında baş verdiyini deyirlər.