İdman

Əfsanəvi Cordan vəfat etdi

21 Mart 2025 19:36

Formula 1-in “Cordan” komandasının qurucusu və keçmiş sahibi Eddi Cordan xərçənglə uzun sürən mübarizədən sonra 77 yaşında vəfat edib.

Publika.az xəbər verir ki, bu barədə F1-in saytı məlumat yayıb.

Cordan irlandiyalı yarış sürücüsü, iş adamı, şərhçi və analitik idi. 1970-ci və 1980-ci illərin əvvəllərində Eddi Formula Ford, Formula 3 və Formula 2 kimi kateqoriyalarda, eləcə də nüfuzlu 24 saat Le Manda yarışan İrlandiya kartinq çempionatının qalibi olub.

1991-ci ildə o, 2005-ci ilə qədər mövcud olan Cordan adlı özünün F1 komandasını qurub. Problemlər üzündən irlandiyalı komandanı Rusiyanın “Midland” şirkətinə satmaq məcburiyyətində qalıb.

Bundan sonra komanda bir neçə dəfə sahibini və adını dəyişib. 2018-ci ildə o, kanadalı milyarder Lourens Strollun mülkiyyətinə keçib. 2021-ci ildən komanda Formula 1-də “Aston Martin” adı altında yarışır.