Əfsanəvi Lobanovskinin Ronaldonu görməyə gözü yox idi: Səbəbi bəllidir

Valeri Lobanovski sadəcə məşqçi deyildi, o, dövrünü qabaqlayan inqilabçı hesab olunurdu. Ukraynalı ustad hələ 70-ci illərdə futbola elmi yanaşma təqdim edərək, riyaziyyat kimi taktikadan, vahid mexanizm kimi komandadan danışırdı.

Sürət, məntiq və nizam-intizam üzərində dayanaraq oyunun inkişafını təşviq etdi. Lakin tərəqqi sevgisinə baxmayaraq, Lobanovski müasir futbolun bir xüsusiyyətini kəskin şəkildə rədd etdi: super ulduzların kultunu.

Kiyev "Dinamo"sunun və SSRİ yığmasının baş məşqçisi ulduzları sərt tənqid edərək, onların futbolun inkişafını əngəllədiyini iddia edib. Onun belə düşünməsinin səbəbi budur:

"Onlara çoxlu pul verirlər. Sonra da motivasiyalarını itirirlər, düşündükləri kimi işləyirlər və başqa cür işləməyəcəklər. Futbol getdikcə sürətlənir, ona görə də sürət keyfiyyətlərini inkişaf etdirmək lazımdır. Necə? Məşq prosesi ilə, amma məşq etmək istəmirlər. Mən "ulduzlu komanda" ifadəsinə üstünlük verirəm ki, indi futbolda ən vacib şey düzgün başa düşən futbolçuların olmasıdır. Yəni topla deyil, topsuz oynamağı bacarmaq lazımdır. Belə insanlardan imtina etmək lazımdır, o zaman ulduz komandada mütləq görünəcək”.

Məşqçi bu cür ulduzların mənfi nümunələri kimi Ronaldo Nazario və "Nyukasl"ın əfsanəsi Alan Şireri göstərib. Lobanovski ciddi şəkildə iddia edirdi ki, o, bu futbolçuları heç vaxt Kiyev "Dinamo"una götürməzdi.

"Düşünürəm ki, ulduzlar özlərini istismar edirlər. Məsələn, Ronaldo. Onun kimi insanlar imkanlarını artırmır, əllərində olanlarla işləyirlər. İnkişaf edəcəkmi? Fəaliyyət dairəsini genişləndirib Şevçenko kimi oynaya biləcəkmi? Qol vurmaq baxımından yox, müasir futbolu anlamaq baxımından? Heç vaxt. Cənubi Amerika çempionatının finalında Ronaldo bütün oyun ərzində 5 dəqiqə görünsə də, qol vurdu. Amma nələri qaçırmışdı? Qol vumasaydı necə olacaqdı?
Yaxud dünyanın ən bahalı futbolçularından biri olan Şireri götürək. O, İngiltərədə bir tanrıdır, amma mənim üçün adi bir futbolçudur və çətin ki, "Dinamo"nun heyətinə düşə bilərdi. Biz komandaya Şirerin oyununun xüsusi hazırlanmış montajını göstərdik. Hissə ərzində o, 10 dəfə topu qəbul etdi, onlardan 9-da arxasını rəqib qapısına yönəldib, bir dəfə də qapıya zərbə endirməyib. O necə futbolçudur? Ancaq o, bir ulduzdur! Şirer qol vursa, yaxşı oyunçudur. Amma qol vurmasa, faydasızdır. Onun hər oyunda qol vuracağına zəmanət haradadır?" - deyə Lobanovski onları zəhmətkeşliyinə və çoxyönlülüyünə görə yüksək qiymətləndirdiyi futbolçuları Şevçenko və Rebrovla müqayisə edərək deyib.

Heybət