İdman

Qalmaqallı boks gecəsi: Rəqibini nokaut etdi, məşqçisinə tüpürdü - VİDEO

22 Aprel 2025 23:36

İngiltərənin Birmingem şəhərindəki “Resorts World Arena”da promouter Ben Şalom və onun “Boxxer” şirkəti tərəfindən boks gecəsi keçirilib.

Publika.az xəbər verir ki , əsas görüş yüngül ağır çəkidə (79,4 kq-a qədər) baş tutub. Olimpiya Oyunlarının gümüş mükafatçısı Ben Uittaker (İngiltərə) və onun həmyerlisi Liam Kemeron rinqdə qarşılaşıblar.

Boksçular revanş döyüşü keçiriblər. Ötən ilin oktyabrında ingilislər Səudiyyə Ərəbistanında üz-üzə gəliblər. Altıncı raundda çox aktiv döyüşüblər və rinqdən kənarlaşdırılıblar. Daha sonra Uittaker ağır yaralanıb və xəstəxanaya yerləşdirilib. Hakimlər heç-heçə qeydə alıblar.

İkinci qarşıdurma yenə qalmaqalla bitib. Ben rinqdə tam dominantlıq edib və ikinci raundda qalib gəlib.

Matçdan sonra Kemeronun məşqçisi qalibin onun üzünə tüpürdüyünü deyib. Uittaker bütün ittihamları rədd edib və cavab olaraq rəqib olan küncə hücum edib.