İdman

Messi, yoxsa Maradona? - Argentina millisinin baş məşqçisi seçimini etdi

14 May 2025 13:54

Argentina millisinin baş məşqçisi Lionel Skaloni bu ölkə futbolunun əfsanələri hesab edilən Lionel Messi ilə Dieqo Maradona arasında seçim edib.

Publika.az xəbər verir ki, o, “İnter Mayami”nin hücumçusunu üstün tutub:

“Messini seçirəm, çünki onunla işləyirəm və necə futbolçu olduğunu bilirəm. Məncə, onları müqayisə etmək mənasızdır, sadəcə oyunlarından zövq almaq lazımdır. Əminəm ki, onların hər ikisi 70-ci, 80-ci, 90-cı illərdə və bu gün də parlaq oyun nümayiş etdirə bilərdi, çünki yaxşı futbolçu hər dövrdə yaxşı futbolçudur”.

37 yaşlı Messi Argentina millisinin heyətində Olimpiya, dünya çempionu və ikiqat Amerika Kuboku qalibi olub. Klub səviyyəsində “Barselona” və PSJ-də çıxış edib, 2023-cü ildə isə MLS təmsilçisi “İnter Mayami”yə keçib. Karyerası ərzində Messi 8 dəfə “Qızıl top” mükafatını qazanıb.

Heybət