İkardi ilə Vanda Nara arasında növbəti gərginlik: 7 milyon hara yoxa çıxıb? - FOTO

Boşanmaq üzrə olan "Qalatasaray"ın futbolçusu Mauro İkardi və keçmiş həyat yoldaşı Vanda Nara arasında gərginlik davam edir.

Publika.az xəbər verir ki, İkardi keçmiş həyat yoldaşı Vanda Naranı onların ümumi hesablarından şəxsi hesabına iki hissədə ümumilikdə 7 milyon avro köçürməkdə ittiham edib. Bu hadisədən sonra Vanda istirahət üçün İbizaya yollanıb.

Bu isə İkardiyə qızları ilə görüşmək imkanı yaradıb. Lakin o, görüşə yeni nişanlısı Çin Suarezlə birlikdə gedib. Bu da Vandanı qəzəbləndirib. O, sosial şəbəkədə sərt açıqlama verib:

"Daha bir görüş bu lənətə gəlmiş tərəfindən korlandı. Qızlarımın tökdüyü hər bir göz yaşı üçün cavab verəcəksən. Sən bir it qızısan!"

İkardi isə cavabında belə deyib:

"Vanda… Bu qədər qısqanclıq, bu qədər kin, bu qədər həsəd... Xahiş edirəm, yeni partnyoruma, gələcək həyat yoldaşıma hörmət et. Nara qızlarımın beynini yuyur, uşaqlar əziyyət çəkir".

Bu qarşılıqlı ittihamlar bir daha sübut edir ki, onların ayrılığı yalnız şəxsi münasibətlərə yox, uşaqlara da ciddi təsir göstərir. Sosial şəbəkələrdə bu tip şəxsi mübahisələrin paylaşılması isə vəziyyəti daha da çətinləşdirir.

Publika.az