İdman

Oğrular ondan əl çəkmir: "Çelsi"nin futbolçusu yenə qarət olundu

12 Noyabr 2025 15:06

"Çelsi"nin "ulduzu sönmüş" futbolçusu Rahim Sterlinq qarət olunub.

Publika.az xəbər verir ki, bu barədə "The Athletic" məlumat yayıb.

Hadisə onun Berkşirdəki evində baş verib. Quldurlar mənzilə daxil olanda futbolçunun ailə üzvləri orada olub.

“Bu, məxfilik və təhlükəsizliyin ciddi şəkildə pozulmasıdır, lakin ailə üzvlərinin salamat qalmasına görə minnətdarıq. Bu çətin zamanda Rahimin və ailəsinin məxfiliyinə hörmətlə yanaşmağınızı xahiş edirik”, - deyə Sterlinqin nümayəndəsi bildirib.

Qeyd edək ki, bu, Rahimin evində baş verən ikinci qarət hadisəsidir. Birinci hadisə 2022-ci ildə, o, Qətərdə keçirilən dünya çempionatında olarkən yaşanmışdı.

Bu mövsüm hücumçu hələ meydana çıxmayıb. Keçən mövsümü “Arsenal”da icarə əsasında keçirən Sterlinq hazırda “Çelsi”nin əsas komandası ilə deyil, fərdi şəkildə məşq edir. Yayda klub onu sata bilmədiyi üçün bu vəziyyət yaranıb.

Heybət