Ulduz futbolçu təcili xəstəxanaya yerləşdirildi: Səbəb nədir?

“Çelsi”nin və Braziliya yığmasının sabiq yarımmüdafiəçisi Oskar hazırda çıxış etdiyi “San-Paulo” klubunun bazasında baş vermiş narahatedici hadisədən sonra təcili şəkildə reanimasiyaya yerləşdirilib.

Publika.az ESPN-ə istinadən xəbər verir ki, noyabrın 11-də planlı tibbi test zamanı 34 yaşlı futbolçu velotrenajorda məşq edərkən başgicəllənmə hiss edib və bir neçə dəqiqəlik huşunu itirib.

Klubun tibbi heyəti dərhal müdaxilə edib. Müayinələr zamanı futbolçunun ürək fəaliyyətində dəyişikliklər aşkar olunub. Oskar dərhal xəstəxanaya aparılıb və orada MRT daxil olmaqla əlavə analizlərdən keçirilib.

“San-Paulo” klubunun rəsmi açıqlamasında bildirilib: “Futbolçu dərhal xəstəxanaya aparılıb, hazırda vəziyyəti stabildir və diaqnozu dəqiqləşdirmək üçün əlavə testlər aparıldığı müddətdə həkim nəzarəti altında qalır”.

Daha sonra klub prezidenti Xulio Kasares Oskarla danışdığını qeyd edib: "İlkin nəticələr müsbətdir, lakin futbolçunun tam diaqnoz üçün əlavə tibbi qiymətləndirməyə ehtiyacı var".

Oskar 2012-2017-ci illərdə “Çelsi”nin heyətində çıxış edib. O, Çində uzun müddət oynadıqdan sonra 2025-ci ildə doğma klubu “San-Paulo”ya qayıdıb.

Heybət