İdman
Klublarımızın təlim-məşq toplanışlarının proqramı - TAM SİYAHI
2014-cü il tarixə qovuşdu. Olanları unudub yeni hədəflər uğrunda mübarizəyə hazırlaşmaq lazımdır. Azərbaycan Premyer Liqasında yaranan fasilə klublara rahat hazırlaşmaq imkanı verir. Baxaq görək, onlar bu fasilədən necə yararlanacaqlar?
Qarabağ
At ilinin “Qarabağ” üçün uğurlu keçdiyini demək olar. Komandamız Avropa Liqasında üzümüzü güldürməyə yaxın oldu. Ağdam təmsilçisi 2014-cü ildə də Premyer Liqada liderliyini qorudu. Qış fasiləsinə turnir cədvəlinin ilk pilləsində yollanan “Qarabağ” 3-cü dövrənin hazırlıqlarını Antalyada keçəcək. Təlim-məşq toplanışı çərçivəsində Qurban Qurbanovun yetirmələri 6 yoxlama oyununda qüvvəsini sınayacaq.
Qəbələ
“Qəbələ” 2014-cü ili “ilk 6-lıq”da başa vurub. Geridə qalan ili bölgə komandası üçün heç də uğursuz saymaq olmaz. Ölkə çempionatında 3-cü yeri tutan komanda tarixində ilk dəfə Avroliqada iştirak etmək hüququ qazandı.
Şimallılar 2014/15 mövsümünün ikinci yarısının hazırlıqlarına bu gün - yanvarın 5-də start verəcək. Həmin gün komanda üzvləri Türkiyənin Antalya şəhərində bir araya gələrək məşqlərə başlayacaq. “Qəbələ”nin legionerləri birbaşa qonşu ölkəyə gələcəksə, yerli futbolçular Bakıda toplaşaraq səfərə yollanacaq.
İnter
“İnter” geridə qalan 16 turda yalnız bir dəfə məğlub olmaqla turnir cədvəlinin ikinci pilləsində qərarlaşıb. Lider "Qarabağ"dan 5 xal geri qalan "bankirlər"in bu uğuru diqqətdən yayına bilməz. Ancaq indidən danışmaq da düz deyil. "İnter"i qarşıda uzun marafon gözləyir. Komanda 2014-cü ildə mükafatçılar sırasına düşə bildi. Önəmlisi Avroliqada mərhələ adladı. Turnir cədvəlinin hələlik ikincisi olan “İnter” də təlim-məşq toplanışı üçün Türkiyəni seçib. Yanvarın2-də qonşu ölkəyə yola düşən “İnter” bir gün sonra hazırlığa start verib.
“Neftçi”, “Xəzər Lənkəran” və “Simurq”
İkinci dövrəni 3-cü pillədə tamamlayan “Neftçi” də qış fasiləsində boş oturmayacaq. “Ağ-qaralar” iki plan üzrə hazırlaşacaq. Sabah Bakıda bir araya gələcək komanda yanvarın 10-da Türkiyəyə yola düşəcək. “Neftçi”nin artıq sınaqçı-rəqibləri də məlumdur.
“Xəzər Lənkəran”la “Simurq”un da təlim-məşq toplanışlarını Türkiyənin Antalya bölgəsində keçirəcəyini qeyd edək.
Evdə qalanlar
“Bakı”, AZAL və “Sumqayıt” isə Biləcəridən uzağa getmək niyyətində deyil.
“Bakı” klubunun qış fasiləsi zamanı keçirəcəyi təlim-məşq proqramı hazır deyil. Klubun mətbuat xidmətinin rəhbəri İsgəndər İsgəndərovun Publika.az-a verdiyi məlumata görə, plan tərtib olunmasa da, məşqlərə bu gündən başlayacaqlar: “Hələ plan tərtib olunmayıb. Çünki getməyimiz dəqiq deyil. Ancaq bu gündən etibarən məşqlər başlayır”.
AZAL Türkiyədə planlanlaşdırılan təlim-məşq toplanışını ləğv edib. Bakı klubu qış fasiləsində ölkəni tərk etməyəcək. AZAL çempionata Şüvəlandakı bazasında hazırlaşacaq. Tərlan Əhmədov toplanış müddətində yetirmələrini 5 oyunda sınayacaq. Rəqiblərin siyahısı dəqiqləşməsə də, AZAL-ın digər Premyer Liqa klubları - "Bakı" və "Sumqayıt"la qarşılaşacağı gözlənilir.
Qeyd edək ki, AZAL qış təlim-məşq toplanışının ikinci hissəsini yanvarın 12-dən 24-dək Türkiyənin Antalya şəhərində keçirməyi planlaşdırmışdı.
Publika.az Premyer Liqa klublarının qış fasiləsində təlim-məşq toplanışlarının proqramını təqdim edir.
“Qarabağ” - Antalya, Türkiyə
Müddət: 10 yanvar - 1 fevral
Hazırlıq matçları: 6 görüş
Rəqiblər
17 yanvar. Split (Xorvatiya)
21 yanvar. Sürix (İsveçrə)
29 yanvar. Mordoviya (Rusiya)
Digər üç rəqibin adına yaxın günlərdə aydınlıq gələcək.
“Qəbələ” - Antalya, Türkiyə
Müddət: Türkiyə hazırlıqları iki mərhələdən ibarət olacaq. Yanvarın 5-dən 17-dək məşq edəcək komandaya iki günlük istirahət veriləcək. Toplanışın ikinci mərhələsi ayın 20-dən 29-dək davam edəcək
Hazırlıq matçları: 7 görüş
Rəqiblər
10 yanvar. PSV II (Hollandiya)
14 yanvar. Əskişəhərspor (Türkiyə)
17 yanvar. 2 matça çıxacaq komanda əvvəl Qazaxıstan klublarından biri ilə görüşəcək ki, bu rəqibin adı dəqiqləşməyib. Həmin gün təmsilçimizin digər rəqibi "Vorskla" (Poltava, Ukrayna) olacaq.
“Qəbələ” yanvarın 22-si, 25-i və 29-da da sınaq matçlarına çıxacaq. Rəqiblərin adına yaxın günlərdə aydınlıq gələcək.
"İnter" - Antalya, Türkiyə
Müddət: 3-24 yanvar
Hazırlıq matçları: 6 görüş
Rəqiblər
8 yanvar. İnegölspor (Türkiyə)
13 yanvar. Enerji (Almaniya)
14 yanvar. Kayrat (Qazaxıstan)
17 yanvar. Kasımpaşa (Türkiyə)
20 yanvar. Metallist (Ukrayna)
Toplanışda son yoxlama matçının yanvarın 23-də keçirilməsi planlaşdırılır. Rəqib hələlik məlum deyil.
“Neftçi” - Bakı; Antalya, Türkiyə
Müddət: 6-10 yanvar - Bakı; 11-24 yanvar - Antalya
Hazırlıq matçları: 6 görüş
Rəqiblər
14 yanvar. Hajer (Səudiyyə Ərəbistanı)
17 yanvar. Fulad (İran)
20 yanvar. Quyçjou Rehne (Çin)
21 yanvar. Volın (Ukrayna)
23 yanvar. Dinamo Moskva (U-23), (Rusiya)
23 yanvar. Petrolul (Rumıniya)
"Simurq" - Antalya, Türkiyə
Müddət: 6-24 yanvar
Hazırlıq matçları: 4 görüş
Rəqiblər
15 yanvar. Partizani (Albaniya)
Digər üç rəqibin adı bəlli deyil.
“Xəzər Lənkəran” - Antalya, Türkiyə
Müddət: 6-26 yanvar
Hazırlıq matçları: 5 görüş
Rəqiblər: bəlli deyil
“Sumqayıt” - ölkə daxilində
Müddət: 11-23 yanvar
Hazırlıq matçları: 4 görüş
Rəqiblər: Bəlli deyil
17 yanvar. AZAL
Növbəti görüşlər yanvarın 14-ü, 20-si və 23-də keçiriləcək. Rəqiblər hələ ki, bəlli deyil.
Aygün İlqarqızı
-
Magazin119:10
Brilliant Dadaşovanın rəqsi GÜNDƏM OLDU - VİDEO
-
Region18:50
Rusiya XİN-dən İrəvana qulaqburma
-
Rəsmi xronika18:32
Rumen Radev İlham Əliyevə zəng etdi
-
İdman17:06
"Qarabağ"ı yıxan futbolçu İstanbul nəhənginin hədəfində
-
Sosial16:36
Güclü külək əsəcək, çaylardan sel keçəcək - XƏBƏRDARLIQ
-
Magazin116:11
Zülfiyyə Aşıq Tellini biabır etdi: “Restoranda yeyir, sonra da...”
-
Sağlamlıq15:41
Marketlərdə satılan bu yuyucu tozlar XƏRÇƏNG YARADIR
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR