İdman

Simeone 12 il birlikdə çalışdığı “Arsenal” rəsmisi ilə mübahisə etdi - FOTOLAR

6 May 2026 11:07

“Atletiko”nun baş məşqçisi Dieqo Simeone UEFA Çempionlar Liqasının 2025/2026 mövsümünün yarımfinal mərhələsinin cavab oyununda (0:1) “Arsenal”ın idman direktoru Andrea Berta ilə mübahisə edib.

Publika.az xəbər verir ki, “Marca”nın məlumatına görə, matçın 95-ci dəqiqəsində Berta yan xəttə yaxınlaşaraq baş hakim Daniel Zibertə jestlərlə etiraz edib. O, əlavə olunan 5 dəqiqəyə işarə edərək əllərini yelləyib və saatını göstərib. Bu isə Simeonenin xoşuna gəlməyib. Argentinalı mütəxəssis rəqib klub nümayəndəsini itələyib. Halbuki onların Madrid dövründə yaxşı işgüzar münasibətləri olub. Qarşıdurmaya hər iki komandanın məşqçi heyətinin üzvləri müdaxilə edərək tərəfləri ayırıblar.

Qeyd edək ki, Berta 2013–2025-ci illərdə “Atletiko”da çalışıb. Əvvəlcə texniki direktor, 2017-ci ildən isə idman direktoru kimi fəaliyyət göstərib. 2025-ci ildə o, London klubuna keçib.

İki oyunun nəticəsinə görə (2:1) “Arsenal” UEFA Çempionlar Liqasının finalına yüksəlib.

Simeone 12 il birlikdə çalışdığı "Arsenal" rəsmisi ilə mübahisə etdi- FOTOLAR