İdman
“Bakı - 2015”in daha iki beynəlxalq idman elçisi müəyyənləşib
“Bakı-2015” Avropa Oyunlarının daha iki beynəlxalq idman elçisi müəyyənləşib.
Publika.az AZƏRTAC-a istinadən xəbər verir ki,
almaniyalı stolüstü tennisçi Dmitri Ovtçarov və yunanıstanlı
qılıncoynadan Vassiliki Vuqiuka “Bakı-2015”də məşğul olduqları
idman növlərini təmsil edəcək. Onlar Avropa Oyunlarının təbliği
üçün media və sosial şəbəkələrdə keçiriləcək genişmiqyaslı
marketinq kampaniyalarında və aksiyalarda iştirak edəcəklər.
D.Ovtçarov hazırda dünyada altıncı idmançı sayılır və Almaniyanın
stolüstü tennis komandasının tərkibində Pekin Olimpiya Oyunlarında
gümüş medal qazanıb. O, həmçinin təkbətək, həm də komanda
tərkibində London Olimpiya Oyunlarında bürünc medala sahib
olub.
V.Vuqiuka qılıncoynatmanın sablya növü ilə məşğul olur və
hazırda dünya reytinqində altıncı yerdədir. O, 2010-cu ildə
Budapeştdə qılıncoynatma üzrə dünya kuboku yarışlarında qızıl əldə
edib. İdmançı 2012-ci və 2013-cü illərdə keçirilən Avropa
çempionatlarında gümüş medal qazanıb.
“Bakı-2015”in baş əməliyyat direktoru Saymon Kleqq bildirib ki,
beynəlxalq səviyyəli idman elçilərinin bir araya gəlməsi idman
təqvimindəki bu yeni tədbirin əhəmiyyətindən xəbər verir. “Əminəm
ki, həm Dimitri, həm də Vassiliki Oyunların təşviq edilməsində
əllərindən gələni edəcək və Avropa idmanının inkişafında
əhəmiyyətli rol oynayacaqlar”, - deyə o qeyd edib.
İyirmi altı yaşlı D.Ovtçarov bildirib ki, birinci Avropa
Oyunları stolüstü tennisin statusunun qaldırılması və bu idman
növünə yeni azarkeşlərin cəlb edilməsi üçün əla imkandır: “Həmçinin
qitəni bir araya gətirəcək yeni və irimiqyaslı idman tədbirində
iştirak olduqca xoşagələn bir haldır. Oyunların tezliklə
başlanmasını və açılış mərasimində bu idman növünün geniş şəkildə
təşviq edilməsini səbirsizliklə gözləyirəm”.
V.Vuqiuka deyib: “Qılıncoynatma Avropada məşhur idman növüdür.
Bu idman növü ilə məşğul olan bir idmançı kimi Bakıda keçiriləcək
birinci Avropa Oyunlarının təbliğ edilməsinə cəlb olunmaqda qürur
duyuram. Dünya miqyasında keçirilən yarışlarda iştirak etmişəm və
idmanın insanları necə bir araya gətirməsinin şahidi olmuşam”.
Avropa Oyunlarının beynəlxalq idman elçiləri sırasına həmçinin
irlandiyalı boksçu Katie Taylor, britaniyalı taekvandoçu Jade Cons,
fransalı gimnast Kseniya Mustafaeva, Danimarkanın kanoye sprinteri
Holten Pulsen və Serbiyanın 3x3 basketbol komandasının oyunçuları -
Dusan Domovik Bulut, Marko Savik, Marko Zdero və Decan Macstoroviç
qoşulub.
-
İdman17:06
"Qarabağ"ı yıxan futbolçu İstanbul nəhənginin hədəfində
-
Sosial16:36
Güclü külək əsəcək, çaylardan sel keçəcək - XƏBƏRDARLIQ
-
Magazin116:11
Zülfiyyə Aşıq Tellini biabır etdi: “Restoranda yeyir, sonra da...”
-
Sağlamlıq15:41
Marketlərdə satılan bu yuyucu tozlar XƏRÇƏNG YARADIR
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO