“Yadplanetli”nin növbəti uğuru
Bizi izləyin

İdman

“Yadplanetli”nin növbəti uğuru

“Barselona”nın ulduz futbolçusu Lionel Messi xarüqələr yaratmaqda davam edir.

Publika.az xəbər verir ki, La Liqanın son turunda “Valensiya”yla matçda fərqlənən argentinalı dahi Kataloniya klubunun heyətində rəsmi oyunlarda 400-cü qolunu vurdu. Avropa klublarında indiyədək cəmi 7 futbolçu bu nailiyyəti əldə edib.

Messi 400 qoldan 223-nü “Nou Kamp”da, 177-ni isə səfər meydançalarında vurub. Onun sol ayağından çıxan 316 zərbə dəqiq olub. Qollardan 65-ni sağ ayağıyla, 17-ni başla, birini sinəsiylə, birini isə əliylə vurub.

Leonun qollarının turnirlər üzrə bölgüsü belədir: La Liqa – 278 qol (309 oyun), İspaniya kuboku – 32 (49), Çempionlar Liqası – 75 (95), İspaniya Superkuboku – 10 (11), UEFA superkuboku – 1 (3), Klublararası dünya çempionatı – 4 (4).

Statistika həvəskarları üçün Messinin 2004/05 mövsümündən başlayaraq mövsüm ərzində vurduğu qol sayını ardıcıllıqla təqdim edirik: 1+8+17+16+ 38+47+53+73+60+41+46.

Oxumağa davam et
Reklam
Reklam

Gündəm