İKT

Ayfon-8 və Ayfon 8+ artıq Bakıda – Qiymətlər

11 Oktyabr 2017 22:41

Çoxdandır hər kəsin səbirsizliklə gözlədiyi Ayfon-8 və Ayfon-8+ telefonları artıq paytaxtımızdakı mağazalara gətirilib.

Axar.az xəbər verir ki, telefonların qiyməti satıldığı mağazadan, rəngindən və yaddaşından asılı olaraq dəyişir.

“Kontakt Hom” mağazalar şəbəkəsində 64 gb-lıq Ayfon-8 1600 manat, Ayfon-8+ 1800 manatdır. Bu mağazada telefonlara rəsmi zəmanət verilir.

“Mimelon”da Ayfon-8 (64 gb) qızılı rəngdə 1395 manat, tünd rənglərdə isə 1450 manat, Ayfon-8+ 1650 manatdır. Mağazadan bildirdilər ki, telefonlar alış qiymətindən 30 dollar baha olmaqla satılır. Yaddaşı 256 gb olan Ayfon-8 1735, Ayfon-8+ 2163 manatdır.

“Vorld telekom” mağazalarında isə 64 gb-lıq Ayfon-8 1469, Ayfon-8+ 1669 manata satılır.

Qeyd edək ki, “Ayfon X” telefonu noyabr ayında Azərbaycana gətiriləcək.