"Facebook", "Google" və "TikTok"un Azərbaycanda ofisləri açılacaq

İT mütəxəssisi, tanınmış texnobloqer Fərid Pərdəşünasın sözlərinə görə, gələn ölkəmizdə “Facebook”, “Google” və “TikTok”un ofisləri açıla bilər.

Publika.az xəbər verir ki, ekspertin sözlərinə görə, “Microsoft”un Azərbaycan bazarından çıxması ilə bağlı məlumat hələ rəsmi təsdiqini tapmayıb.

“Vegi Məcələsində ediləcək bir dəyişikliyə görə “Facebook” və bu kimi şirkətlər 2023-cü ildən əgər Azərbaycan ərazisindən pul qazanacaqlarsa, Azərbaycanda qeydiyyatdan keçib vergi ödəməlidirlər. Bu xəbər isə o deməkdir ki, gələn il Azərbaycanda “Facebook”, “Google” və “TikTok”un ofislərini görə bilərik. Bu, yaxşı xəbərdir. Düşünürəm ki, iri şirkətlər bir çox ölkələrdə olduğu kimi, Azərbaycanda da təmsil olunmalı və nümayəndəlik açmalıdırlar.

İri şirkətlər Azərbaycan höküməti ilə hesablaşsalar, bizim üçün də faydalı olacaq. Xüsusilə, Ukrayna, Rusiya və Belaruisya bazarlarından texnoloji brendlərin gedişi Azərbaycanı birdən-birə regionda önəmli bazara çevirib”, - ddeyə Fərid Pərdəşünas qeyd edib.